Elimizde qylmyspen kúrestiń zamanaýı tetikteri jańa deńgeıge kóterildi. Bas prokýratýranyń Quqyqtyq statıstıka jáne arnaıy esepke alý komıtetiniń qurylymynda qylmystyq qaýipter men qoǵamdyq qaýipsizdik táýekelderin boljaý ortalyǵy óz jumysyn bastady. Bul týraly Bas prokýror Berik Asylovtyń tóraǵalyǵymen ótken Úılestirý keńesiniń otyrysynda málim boldy, dep jazady Egemen.kz.
2026 jylǵy 18 sáýirden bastap Komıtetke zańnamalyq turǵyda jańa fýnksııa júkteledi. Endi memlekettik organdar úshin naqty usynymdar ázirleýdi qosa alǵanda, aýqymdy boljamdyq-taldamalyq qyzmetti júzege asyrady.
Saq bolyńyz: Alaıaqtar medısına qyzmetkeri retinde habarlasa bastady
Ortalyq mamandary júrgizgen taldaý nátıjesi kórsetkendeı, búginde alaıaqtyq qońyraýlardyń negizgi bóligi dástúrli telekommýnıkasııalyq jelilerden messendjerlerge (ásirese WhatsApp) aýysqan. Qazirgi tańda 18 jańa kıberqaýip anyqtalyp otyr. Olardyń ishinde:
SMS-blasterler: Baılanys operatorlaryn aınalyp ótip, jappaı habarlama jiberýge arnalǵan qurylǵylar; Fıshıng jáne dıpfeık: Adamnyń beınesi men daýysyn qoldan jasaý arqyly jasalatyn alaıaqtyqtar; Nómirlerdi almastyrý: Tirkelmegen SIM-kartalar men telefon nómirlerin burmalaý shemalary bar.Internet-alaıaqtyq kórsetkishi 15 paıyzǵa tómendedi
Aıta keterligi, bıyl 4 sáýirde elde alǵash ret SMS-blasterdi paıdalaný faktisi áshkerelendi. Bul quqyq qorǵaý organdarynyń kıberqylmystyń múldem jańa túrlerin jedel anyqtap, jolyn kesýge qabiletti ekenin kórsetti.
iCloud pen Google Drive paıdalanýshylaryna qaýip tóndi