Qylmyskerler quryqtaldy

Elimizdiń Ishki ister mınıstrligi Mańystaý oblysynyń polısııa qyz­­metkerleri bıylǵy jyldyń 19 ta­­­myzynda «О́zen-Munaıgaz» kom­pa­nııasynyń burynǵy jumys­shysy­nyń qyzy Jansáýle Qara­ba­laevany óltirgen degen kúdikpen taǵy bir adamdy qamaýǵa alǵanyn habarla­dy. Jedel-izdestirý shara­lary ná­tı­je­­sinde 28 qazan kúni atalǵan qyl­mysty jasady degen kúdikpen j­á­birlenýshiniń synyp­ta­sy usta­­­lyp, Jańaózen qalasy ishki ister basqar­masynyń ýaqytsha us­taý oqshaýla­ǵy­shyna qamalǵan. Tergeý ba­rysynda kúdiktiniń 19 tamyzda keshkisin ishimdik iship, joldasymen birge «Nıssan-Patrol» kóliginde kele ja­typ, jolda synyptasy Qaraba­la­e­vany keziktirgeni anyqtalady. Boıjetken ózin Jańaózen qala­syna taıaý jerdegi Teńge aýy­lyna jetkizip tastaýdy ótin­gen. Qyzdyń ótinishin qosh alǵan­daı bolyp kó­rin­gen qos jigit jas qyzdy qala­nyń eski áýejaıy ja­ǵy­na aparyp, kúshtep zorlaǵan. Odan keıin aıaý­syz jasalǵan qyl­mys izderin ja­syrý úshin talyq­syp jatqan jan­dy armatýramen uryp óltirgen. Qylmys quraly temir armatýrany bazar mańaıyn­da­ǵy qoqys salatyn jáshikke tasta­ǵan. Ustalǵan ekinshi kúdikti de bolǵan oqıǵany tap osy­laı baıandap bergen. Endi qazirgi ýaqytta qamaýǵa alynǵandarǵa qa­tysty dá­leldeý bazasyn nyǵaıtý boıynsha jedel-tergeý is-shara­la­ry odan ári jalǵasýda. Sot-bıo­lo­gııa­lyq, ge­nom­dyq jáne basqa da saraptamalar taǵaıyndaldy. Bul qylmystyń ashylýy qı­yn­ǵa soqty. О́ıtkeni, marqum J.Qa­rabalaeva eshkimmen aralaspaǵan, tuıyq qyz bop ósken. Sondyqtan qylmyskerlerdiń izine túsý ońaı bolǵan joq, deıdi IIM baspasóz qyz­metiniń bastyǵy. Sondaı-aq, osy oblystaǵy Qaraqııa aýdanyn­­­daǵy «MunaıFıldServıs» JShS-niń burǵylaýshysy Turbaevty ól­tirý qylmysynyń ashylýy da IIM-niń erekshe baqylaýynda kórinedi. Tamyz aıynan bastap, oblysqa IIM-niń kúsheıtilgen jedel-tergeý toby jiberildi. Alaıda, kóptegen mán-jaılar qylmysty ashýǵa múm­kindik bermedi. Turbaevty óltirý ońa­shada júzege asyrylǵan. Osy­ǵan baılanysty jedel-tergeý toby ki­ná­lilerdi anyqtaý jáne dáleldeý ba­zasyn jınaqtaý boıynsha bir­qatar jumys atqarǵan. Tek jedel-izdestirý is-sharalary nátıjesinde birneshe saraptama ótkizgennen keıin ǵana Turbaevty óltirgen kú­dik­ti retinde buryn munaı-gaz óndi­ri­sin­de jumys istegen, 28 jastaǵy Ja­ńa­ózen qalasynyń turǵyny ustaldy. Sonymen qatar Ońtústik Qa­zaqstan oblysynyń krımınaldyq polısııa qyzmetkerleri Shymkent qalasynyń turǵyny 42 jastaǵy kásipkerdi óltirý qylmysyn ashty. Onyń pyshaq salynǵan máıiti qa­zan aıynyń aıaǵynda óziniń jeke dú­keninde tabylǵan bolatyn. Dú­ken­nen 1 mıllıon teńgege jýyq aqsha urlanǵan. Sonan jedel-izdestirý is-sharalaryn ótkizý barysyn­da polısııa qyzmetkerleri 28 ja­s­taǵy jergilikti turǵyndy ustady. Onyń kásipkerdi paıda tabý maq­satynda óltirgeni anyqtaldy. Ol jábirlenýshi qolynda buryn ju­mys istegen jáne onyń kassada osyndaı kólemde aqshasy bar ekenin bilgen. Kásipkerdiń joldasy dúkennen ketýin kútip, tús kezinde basa-kókteı kelip jábirlenýshige pyshaq salǵan. Sodan soń kassadan emin-erkin aqshany alǵan kórinedi. Al Jambyl oblysy polıseıleri Qaraǵandy oblysynyń Aqsý aýylynda arnaıy is-sharalar ót­kizý kezinde izdeýde júrgen Taraz qalasynyń 30 jastaǵy turǵynyn ustady. Ol spırt ishimdikterin birlesip ishkennen keıin týyndaǵan janjal kesirinen 59 jastaǵy adam­dy óltirgen. Jábirlenýshiniń py­shaq salynǵan máıiti shilde aıynyń basynda Jambyl oblysynyń Qy­zyl aýylyndaǵy óz úıiniń aýlasyn­da tabyldy. Qylmys jasaǵannan keıin qylmysker Qaraǵandy obly­syn­da turatyn týystaryna qashyp ketken. Sol jerde ony polısııa qyzmetkerleri qolǵa túsirdi. Polısııa qyzmetkerleri «Stan-TV» portalynyń túsirý tobyna sha­býyl jasaǵan kúdiktilerdi de an­­yqtap otyr. Aqtaý qalasynyń 36 jastaǵy turǵyny Rýslan Gasanov qazir izdestirilýde. Polısııa kúdik­ti­niń baılanystaryn zerdeleı kele, avtomashınanyń ıesin tapty. Av­­tomashına ıesi Gasanovtyń mu­ny aldap «Toyota Land Cruiser Pra­do» kóligin ıelenip alǵanyn habar­la­dy. Alaıaqtyq deregi boıynsha qylmys­tyq is qozǵaldy. Sonymen qatar Ga­sanovtyń 25 jastaǵy sy­baılasy anyqtaldy. Kúdiktilerdiń fotosýretterin kórsetken kezde jábir­le­nýshi olardy birden tanyǵan. Sol sııaqty Ońtústik Qazaqstan oblysynyń polısııa qyzmetker­le­ri Montaıtas aýylyndaǵy mektep dırektorynyń úıine jeke múlikti ıelenip alý maqsatynda qaraqshy­lyq shabýyl jasaý qylmysyn ash­ty. Jedel-izdestirý is-sharalary ba­rysynda Shymkent qalasynyń 26 jastaǵy turǵyny ustaldy. Kú­dikti óziniń sybaılastary arqyly jábirlenýshiniń aýqatty ekenin baı­qaǵan. Qylmys jasaý maqsa­tyn­­da olar aldyn-ala toqylǵan bas kıimder men skotch satyp alǵan. Aýylǵa kelip qylmyskerler jábir­lenýshiniń úıine kirgen. Úı ıesi men onyń otbasyn uryp-soǵyp, baı­lap tastap, seıften altyn bu­ı­ymdar men 9 mln. teńgeden astam aqsha urlap, «Mersedes» avtomashı­nasymen qashyp ketken. Biraq al­ys­qa uzaı almaıdy. Shymkent qa­la­syna bara jatqan jolda Orda­basy aýdanynyń aýmaǵynda olar­dyń kóligi aýdarylady. Qazirgi ýa­qytta polısııa qyzmetkerleri qyl­mysqa qatysýshylardy izdestirip, ustaý úshin qabyldaýda. Jalpy, apta ishinde 3642 qylmys jasalyp, onyń 2073-i ashylǵan. Buryn ja­salǵan 583 qylmys, onyń ishinde ótken jyl­­ǵy 10 qylmys ashyldy. 85 qyl­mys­ker tabyldy, 20 qarý tár­kilendi. 66 esirtki qylmysy, on­yń ishinde es­irtki satýdyń 33 faktisi anyqtaldy. 316 keliden astam esirtki quraly, onyń ishinde 2 kelige jýyq geroın tárkilendi, deıdi IIM ókili. Aleksandr TASBOLATOV.