Almatyda Qazaqstan musylmandarynyń kezekti VIII quryltaıy ótip jatyr. Jıyn barysynda Qazaqstan Musylmandary dinı basqarmasynyń jańa Bas múftıi saılandy, dep habarlaıdy QazAqparat.
Quryltaıǵa qatysýshy 300-den astam delegat Serikbaı qajy Orazulynyń kandıdatýrasyn biraýyzdan qoldady. Jańa Bas múftı 4 jyl, ıaǵnı 2018-2022 jyldar aralyǵynda qyzmet atqaratyn bolady. Sondaı-aq Bas múftı orynbasarlary laýazymyna Naýryzbaı qajy Taǵanuly, Alaý Ədilbaev, Baýyrjan Esmahanov saılandy.
Quryltaı jumysyna Din isteri jáne azamattyq qoǵam mınıstri Nurlan Ermekbaev, Qazaqstan musylmandary dinı basqarmasynyń Tóralqa músheleri, Ǵulamalar keńesiniń músheleri, teolog-ǵalymdar, zııaly qaýym ókilderi, elimizdiń ár oblysynan kelgen quryltaı delegattary qatysýda. Qazaqstannyń burynǵy Bas múftıi Erjan qajy Malǵajyuly ózi qyzmet atqarǵan 2013-2017 jyldar aralyǵynda iske asyrylǵan jumystar jóninde esep berdi.