Keshe Memleket basshysy Nursultan Nazarbaev Astana qalasynyń ákimi Imanǵalı Tasmaǵambetovti qabyldady.
I.Tasmaǵambetov Prezıdentti elordanyń 2011 jylǵa arnalǵan áleýmettik-ekonomıkalyq damýynyń qorytyndylary, aldaǵy ýaqytta qaladaǵy jańa nysandardy paıdalanýǵa berý, sondaı-aq Qazaqstan Respýblıkasy Táýelsizdiginiń 20 jyldyǵyn merekeleýge daıarlyq barysy týraly habardar etti.
Astana ákimi Memleket basshysyna elordanyń jylý maýsymyna tolyq daıyndyǵy týraly baıandady.
Qazaqstan Respýblıkasynyń Prezıdenti Nursultan Nazarbaev Premer-Mınıstrdiń birinshi orynbasary О́mirzaq Shókeev pen Aýyl sharýashylyǵy mınıstri Asyljan Mamytbekovti qabyldady.
Kezdesý barysynda Memleket basshysyna Qazaqstannyń agroónerkásip kesheniniń 2011 jylǵa arnalǵan qyzmetiniń nátıjeleri, jıyn-terin naýqanynyń qorytyndysy, sondaı-aq agroónerkásip kesheni qyzmetkerleriniń respýblıkalyq forýmyna daıarlyq barysy týraly baıandaldy.