Ekibastuzǵa jolsaparmen baryp qaıttyq. Onsyz da óndiris oryndary qalyń shoǵyrlanǵan kenshiler qalasynda shaǵyn kásiporyndardyń da sany artyp, qashanda tynymsyz qalypta. Solardyń qatarynda, osydan eki aıdaı ýaqyt buryn óndirisi túgelimen túrik tehnologııasyna negizdelip jasalǵan dıirmen kesheni ashylypty. Keshen basshysy Qýanysh Toqberdınovtiń aıtýynsha, dıirmenge túsetin bıdaıdan sapaly un shyǵaratyn bul qural-jabdyqtardy «QazAgroQarjy» AQ-tyń lızıngisi boıynsha satyp alypty. Al, buǵan deıin qalada naýbaıhanalardy unmen qamtamasyz etýde kezdesken qıynshylyqtar da bolǵany belgili. Iаǵnı, shetten un tasýshylar baǵany ózderinshe belgilep ákeletini de sózsiz.
Qazir dıirmen basynda qyzý jumys. Bıdaıdy tazalaý, jýý, tartý, qapqa oraý sııaqty jumystardyń bári tehnıkanyń qolynda, tek is tetigin bilseń boldy. Qapshyq-qapshyq un tasyǵan jigitter. Qapshyqtarda «Erken» sharýa qojalyǵy dep tartylǵan unnyń qaı jerden shyqqany, ıesi kim ekeni jazylǵan. Qýanyshtyń sharýa qojalyǵy bıdaı ósirýmen aınalysady. Dıirmende táýligine 45 tonna bıdaı tartylady. Keshen basshysy bizge jańa zaman dıirmenderi qalaı jumys jasaıtynyn kórsetip, keshen ishin aralatyp shyqty.
– Jalpy, osyndaı keshen ashýǵa memleket tarapynan qoldaý kórsetildi. Barlyǵy 24 mıllıon 500 myń teńge qarjy aldyq. Lızıngke jeti jyl merzimge, 4 paıyz ósimmen berildi. Jaz boıy keshenniń qurylysyn júrgizdik,– deıdi Qýanysh.
Sonymen, qazir dıirmende ótken jylǵy jınalǵan bıdaı tartylýda. Munyń bir sebebi, dıirmenshilerdiń pikiri boıynsha, biraz ýaqyt saqtalǵan bıdaıdyń sapasy joǵary bolyp keletin kórinedi.Túrik tehnologııasymen qurylǵan dıirmenniń óndiris júıesi 3-4 adamǵa ǵana arnalǵan, avtomatty túrde jumys jasaıdy.
Barlyq jumysshylardy qosqanda 10-shaqty adam eńbek etedi. Básekelestikte aldyńǵy orynǵa shyǵý úshin Qýanysh basqaratyn dıirmen unnyń sapasyna kóńil bólýde. Qazir qalalyq ákimdik un satý úshin kommýnaldyq bazardan arnaıy oryn da bólip beripti. Birinshi surypty un baǵasy 44 teńgeden ótýde. Al, naýbaıhanalarǵa bir kılosy 40 teńgeden satylady. Qýanysh óz qyzynyń esimine oraı ózderi shyǵaratyn ártúrli surypty unǵa «Leıla» degen ataý qoıypty. Osy «Leıla» degen ataýy bar undardy 5 kılodan bastap, 50 kıloǵa deıin salmaǵyna qaraı ólshep, arnaıy qaptarmen shyǵarady. Bıdaıdyń sapasy keshendegi zerthanada baqylanady. Munda Qýanyshtyń kelinshegi jumys jasaıdy. Bir qaraǵanda otbasylyq shaǵyn kásipkerlik deýge de bolady. «Leıla» ataýy bar qap-qap undar Ekibastuzdan tysqary, Baıanaýylǵa, basqa da aýyldarǵa jóneltiledi.
– Aldaǵy ýaqytta jumysymyz jolǵa túsip ketse, keshen janynan naýbaıhana, makaron sehyn da ashý oıymyzda bar, – deıdi Qýanysh.
Farıda BYQAI.
Ekibastuz.