Halyqqa qyzmet – abyroıly mindet

Ústimizdegi jyldyń naýryz aıynan bastap halyqqa qyz­­met kórsetý ortalyqtary Baılanys jáne aqparat mı­nıstr­liginiń quramyna berildi. Mekeme jumysyna jańa­shyl­dyq engizilip, halyq ıgiligine jaramdy kóptegen bastamalar iske asyryla bastap, qazirgi kúnniń ózinde jemisin berýde. Onyń naq­ty kórinisin Almaty qalasy, Bostan­dyq aýda­ny­nyń ha­lyq­qa qyzmet kórsetý ortalyǵynda kóz jetkizýge bolady. Atap aıtar bolsaq, elektrondy úkimet baǵdarla­masyn júzege asyrý jáne elektrondy memlekettik qyz­metterdi qol­danýshylar sanyn arttyrý úshin bizdiń Ortalyqta «elektrondy úkimet buryshy» keńinen nası­hattyq jáne túsindirmelik jumystar­dy júrgizedi. Or­ta­lyqqa kelgen árbir adamǵa elektron­dy sandyq kiltterdi berý, ony paıdalaný, elektron­dy úkimettiń múm­kindikteri týraly aq­paratty bizden bile alasyzdar. Or­talyqta tek memlekettik qyzmet túrin alýǵa ǵana emes, bıznes alańda iskerlik is-sharalaryńyzdy uıymdas­tyrý­ǵa barlyq jaǵdaı jasalynǵan, qajetti qural-jabdyqtary bar oryn men Wi-Fi jelisi qosylǵan kompıýter bar. Shilde aıynan bastap modernızasııalaý jumys­tary bastalǵan Ortalyqta búgingi tańda barlyq ju­mystar aıaq­talyp, kelýshilerdiń kózin qýantýda. Modernızasııalaý jos­paryna sáıkes, halyqqa qyzmet usy­ný qyzmetindegi úz­dik úlgi bolyp esepteletin keder­gisiz, tosqaýylsyz qyz­met kórsetý qaǵıdaty engizildi. Jańa jıhaz ben qural-jab­dyqtar ornalasqan Ortalyqqa kelgen árbir azamat ózin naǵyz juldyz retinde sezinýge múmkindik alady. Oǵan qosa Ortalyq­tyń barlyq qyzmetkeri jańa bastama­ǵa saı jumys atqaryp, HQKO qyzmetker­leriniń máde­nıeti men etıkasy erejesine sáıkes sypaıylyq, ádep­ti­lik, jan-jaqty kómek­ke ázirlik ustanymy boıynsha jumys isteıdi. Almaty qalasy, Bostandyq aýdanynyń halyqqa qyz­met kórsetý ortalyǵynda halyqqa sapaly ári ýaqtyly qyzmet kórsetý jolyndaǵy bastamalardyń biri – Qa­zaqstan Respýblıkasy halqyna memlekettik organ­dardyń qoljetimdiligin qamtamasyz etý maqsatyndaǵy, memlekettik organdarǵa azamattardyń ótinishterin qabyldaý jáne joldaý tártibi uıymdastyrylýy. Iаǵnı, árbir azamat orta­lyq memlekettik organǵa óz ótinishin joldaǵysy kelse, elektrondy sandyq qoltańbasy bar kiltti alyp, óti­nish­terdi qabyldaıtyn qyzmetkerlerge baryp jolyǵýyna bola­dy. Ortalyq halyq pen memlekettik organdar arasyn­daǵy dánekerlik, keńselik mindetterdi oryndaýshy mindetterin abyroımen atqarýda. Sonymen qatar, aldaǵy ýa­qyt­ta on-line rejiminde memlekettik organdarmen jáne mınıstrliktermen baılanys júrgizýdi iske asyrý josparlanýda. Qala halqynyń yńǵaıyna oraı, sonymen qosa kásip­kerlik pen bıznes qurylymdarynyń damýyna úles qo­sý maqsatynda Almaty qalasy, Bostandyq aýdanynyń halyqqa qyzmet kórsetý ortalyǵy men «Qazkom­mers­bank» AQ arasynda kelisim jasaldy. Tóle bı men Baı­zaqov kósheleri, Ál-Farabı men Jeltoqsan kósheleri qıy­lysynda ornalas­qan banktiń bólimshelerinde, son­daı-aq «SesnaBank» AQ-tyń Ál-Farabı men Jeltoqsan kóshe­leri qıylysynda or­na­lasqan «Nurly Taý» kesheninde «ıkemdi» ortalyqtar ashyl­dy. Buǵan qosymsha Bostandyq aýdanynyń salyq basqar­masynda egov.kz úkimet portaly arqyly tólemder júrgizý, kásipker­lik­pen aınalysatyn adamdarǵa kabınetterge júgirý orny­na, kompıýter perneleri arqyly qyzmet alý múmkin­dikterin túsindirý, bızneske qolaıly jaǵdaı týǵyzý, sonymen birge salyq tóleýshi azamattardyń úıinde oty­ryp salyq tóleý, memlekettik qyzmet alýdy túsindirý jáne úıretý úshin arnaıy pýnktter iske qosyldy. Bul jahandaný úderisi men tehnıka jáne tehnologııalar qarqyndy damý ýaqytynda qazaq eliniń kóshten qal­maı, damyǵan eldermen terezesi teń bolý úshin jasa­ly­nyp jatqan sharalar. Onyń ústine artyq qaǵazbas­tylyq pen áýre-sarsań, bıýrokratııalyq kedergiler men sybaılas jemqorlyqqa qarsy baǵyttal­ǵan eń tıimdi jumys. Bizdiń ortalyq arqyly qazirgi ýaqytta 20-dan astam memlekettik qyzmet túrleri kórsetiledi. Biz árdaıym halyq úshin qyzmet kórsetýge ázirmiz. Ásel MAMAJANOVA,  Almaty qalasy, Bostandyq aýdanynyń halyqqa qyzmet kórsetý ortalyǵynyń bastyǵy.