Basynan kóne tarıh tómen quldap, Taǵdyryn týǵan eldiń kelem jyrlap. О́zegim talyp jetken, Táýelsizdik, О́mirde ne bar eken senen qymbat!?
Qubylyp soqqan jeldeı zaman neshe, Qan keshti tolarsaqtan babam keshe. Kún emes bodandyqta kórgen kúnim, Tóbemnen altyn quısyn maǵan dese.
Azapty birge tartyp qalyń elmen, Ah uryp atameken tebirengen. Kók týdy kókke boılap jelbiregen, Qazaqtyń armany joq kórip ólgen.
Jarqyrap atqan tańym – Azattyǵym, Tanyldy shartarapqa qazaqtyǵym. О́z jerim, óz Otanym, óz Astanam, Qarashy, Bostandyqtyń ǵajaptyǵyn.
Bolmasań, Azattyǵym, arqatirek, Júrektiń sherin qashan tarqatyp ek? Adasyp kóshten qalǵan kúshikteı bop, Búlkildep bozdalada jortatyn ek.
О́tkendi ekshemese, tektemese, Qaıtar ma ózdiginen ketken ese? Qara orman – qalyń elim jaıqalar ma, О́rteńniń orny qaýlap kóktemese?
Qulpyryp Elordanyń qos qaptaly, Bıikke Báıteregim asqaqtady. Basyna baqyt qusy qonǵan eldiń, Bilinbes tabanyna tas batqany.
Qyzyl til – qudaı bergen qolqanatym, Kezim ǵoı túpten tartyp tolǵanatyn. Bálkim men Bostandyqty jyrlaý úshin, Bolarmyn myna ómirge kelgen aqyn.
Nesipbek AITULY, Memlekettik syılyqtyń laýreaty