Pavlodarda ortalyq demalys jáne mádenıet saıabaǵynda muz aıdyny ashyldy, dep habarlaıdy pavlodarnews.kz.
Aıta keteıik, ótken jyly ortalyq syrǵanaqty oblys ákimdiginiń aldyna salǵan. Sol kezde quımatastardy aýystyrý josparlanǵan. Jóndeý jumystarynan keıin bıliktegiler syrǵanaqty burynǵy ornyna - qalalyq saıabaqqa ashý týraly sheshim qabyldady.
Pavlodar qalasy dene shynyqtyrý jáne sport bóliminiń basshysy Aıbek Qabıevtiń aıtýynsha, bul jer muz aıdyny úshin turaqty orynǵa aınalady. Syrǵanaqty qala ákiminiń orynbasary Saıan Muqanov ashty. Ol merekege oraı ákimdiktiń atynan jas hokkeıshilerge jattyǵý formasyn syılady.
- Pavlodarda 25 muz aıdyny quıyldy. Bıyl bul maqsatta 8,9 mıllıon teńgege traktor satyp aldyq. Buǵan qosa, 20,5 mıllıon teńgege muz quıý mashınasyn satyp alýǵa konkýrs ótti. Eresekter 400 teńgege, balalar 200 teńgege syrǵanaı alady. Pavlodarlyqtar aýqattanyp jylynýy úshin janynda kofehana ornalasqan. Korttyń aýmaǵy - 30, 40 metr. Bul ádettegi hokkeı alańynan kishirek. Degenmen bılik ókilderi kelesi jyly syrǵanaq úlken bolady dep sendirýde, - dedi Pavlodar qalasy dene shynyqtyrý jáne sport bóliminiń basshysy.