Pavlodarda ashylǵan «Jýrnalıster úıi» jýyrda ǵana Astana kóshesi atalǵan №143 úı meken-jaıda ornalasqan.
Oblys ortalyǵyndaǵy 50 jyldyq tarıhy bar ǵımarat jańartylyp, kúrdeli jóndeýden ótti. Osy ǵımaratta burynǵy «Qyzyl tý» qazirgi «Saryarqa samaly», «Zvezda Prıırtyshıa» sııaqty oblystyq gazetter redaksııasy ornalasty. Osy joldardyń avtory men de 1985 jyly KazGÝ-diń jýrnalıstıka fakýltetin bitirip, joldamamen Pavlodar oblystyq «Qyzyl tý» gazetine qyzmetke kelgen edim. Sodan beri 30 jyldan asa ýaqyt ótti, endi, mine, ǵımarat jarqyrap, ózgerip qaıta oraldy. Qazir ǵımaratta «Ertis Medıa» JShS quramyndaǵy aqparat quraldary «Regıon kz» degen gazet, «Naızatas» jýrnaly, Pavlodarnews.kz aqparattyq agenttiginiń redaksııalary jumys jasaıdy.
Buǵan deıin redaksııalar birneshe jyl basqa orynda qyzmet jasady. Redaksııalar ǵımaratyn jańartyp, jóndeý qolǵa alynbady. Sondyqtan, oblystyq gazetter, «Ertis Medıa» JShS-niń quramyndaǵy basqa redaksııalarmen birge ártúrli ǵımarattarǵa kóship júrdi. Jýrnalıster úıiniń qaıta oralýymen BAQ ókilderin oblys ákimi Bolat Baqaýov ta quttyqtady. Jyl qorytyndysyna oraı birqatar telearnalar men gazetterdiń ókilderine Alǵys hattar jáne arnaıy sertıfıkattar tabys etti. Jýrnalıster úıinen «Egemen Qazaqstannyń» tilshiler qosynyna da arnalyp, arnaıy oryn beriletin boldy.
Farıda Byqaı,
«Egemen Qazaqstan»
Pavlodar
Sýretti túsirgen: Valerıı Býgaev