Jańa jyldyq meıram kúnderi merekelik sharalar ótkiziletin alańdarǵa Astana turǵyndary men qonaqtardyń esh qıyndyqsyz jáne yńǵaıly jetýine sapaly qyzmet kórsetý maqsatynda qala ákimdigi keı baǵyttarda qoǵamdyq kólik sanyn arttyrdy, dep habarlaıdy Astana qalasy ákimdiginiń medıa ortalyǵy.
«Negizinen 30-31 jeltoqsan kúnderi myna baǵyttar boıynsha avtobýstar sany artady: № 2,5,7,8,9,10,12,19,31,33,37,40,51,71; al 2018 jyldyń 2 qańtarynda myna baǵyttar boıynsha: № 9,10,12,31,37,40,51», dep habarlady «Astana LRT».
Osy baǵyttar Jańa jyldyq sharalar ótkiziletin saýda oryndary, muz aıdyny, mádenı oshaqtar jáne basqada nysandarǵa qatynaıtyn bolady.