Atyraýlyqtar endi ózderin tolǵandyrǵan máseleler jaıynda memlekettik mekemelermen onlaın rejimde baılanysa alady. Buǵan «Atyraý sıfrlyq qabyldaý» qosymshasynyń engizilýi múmkindik berip otyr. Mobıldi qosymshany uıaly telefonnan júktep alýǵa bolady, ol úshin App Store nemese PlayMarket-tiń izdeý jolyna ACQ Atyraý dep jazsa jetkilikti.
Baqytgúl BABASh, «Egemen Qazaqstan»
Qosymsha qurylymy jumysqa ornalasý, qoǵamdyq baqylaý, TKSh, qoǵamdyq kólik, bilim, suraq qoıý sekildi mańyzdy máseleler men salalar boıynsha alty bólimnen jasalǵan. Ár bólimde mázir bar, qoldanýshy qajet baǵandy tańdap, saýalyn qaldyra alady. Barlyq bólimde foto men beıne engizý qyzmeti de ornatylǵan, sol arqyly túrli quqyq buzýshylyqtarǵa kýá bolǵan azamattar foto men beınejazbasyn jiberedi jáne saýal joldap, memlekettik organdardan túpkilikti málimet alý múmkindigi de qarastyrylǵan. Mysaly, bilim baǵanynda balabaqsha, kolledj, ýnıversıtetter týraly aqparat alyp, ótinim bere alady.
Al jumys izdeýshilerge eńbek bırjasy men bos jumys oryndary týraly aqparat paıdaly bolmaq, bul bólim kún saıyn jańartylady. Jaqyndary destrýktıvti dinı aǵymdardyń yqpalyna tap bolǵandar nemese seziktenetinder psıhologtarǵa habarlasyp, dintanýshy mamandardan aqparat ala alady. Bul bólimde ótinimdi anonımdi túrde qaldyrýǵa bolady.
Baqytgúl BABASh, «Egemen Qazaqstan»
ATYRAÝ