Memleket basshysy jyl saıynǵy Qazaqstan halqyna Joldaýyna qatysty málimdeme jasady.
«Qazaqstan álemdegi túrli synaqtarǵa tótep berip, qarqyndy ekonomıkalyq damý jolyna bet aldy. Elimizdiń 2050-shi jylǵa deıingi uzaq merzimdi Damý strategııasy júzege asyrylýda. Júz naqty qadam Ult jospary aıasynda biz reformalardy júrgizip kelemiz. Indýstrııalandyrý salasyn órkendetý úshin júıeli jumystar atqarylýda. Biz konstıtýsııalyq reformany júzege asyryp, elimizdiń Úshinshi jańǵyrýyn bastadyq. Rýhanı jańǵyrý baǵyty boıynsha keshendi is-sharalar júrgizilýde. «Sıfrlyq Qazaqstan» baǵdarlamasy qabyldandy», dedi Nursultan Nazarbaev.
Erteń Memleket basshysynyń Qazaqstan halqyna jyl saıynǵy Joldaýy jarııalanady. Ol Tórtinshi Indýstrıaldy Revolıýsııa jaǵdaıynda eldiń damýyna arnalǵan. «Men iske asyrýymyz kerek 10 negizgi tapsyrmany atap ótemin», dedi Elbasy.
Mátin erteń baspasóz betinde jarııalanady.