Nurlan Nyǵmatýlın: Elbasy Joldaýy – jańa tarıhı dáýirdiń bastaýy

Sonyń nátıjesinde egemen elimiz árqashanda jańa bıikterdi ba­­ǵyn­dyryp, búgingi kúni «Qa­zaqstan-2050» Strategııasyn qa­byl­daǵan, eń damy­ǵan 30 eldiń qataryna jetý maqsatyn kózdegen aıbyndy memleketke aınaldy. 

Endi osy uly maqsattarǵa jetýdiń jańa tarıhı dáýiri bastaldy. 

Elbasymyz halyqqa «Tórtinshi óner­kásiptik revolıýsııa jaǵdaıynda damýdyń jańa múmkindikteri» Joldaýyn jarııa­lap, ónerkásiptik revolıýsııa álemine beıim­delýdiń jáne tabysqa jetýdiń 10 mindetin atap kórsetti. 

Onyń ishinde eń aldymen ındýs­trııa­landyrýǵa, ásirese kásiporyndardy jańǵyrtýǵa jáne sıfrlandyrýǵa, keshen­di aqparattyq-tehnologııalyq platfor­malardy belsendi túrde engi­zýge, «Aqyldy tehnologııalar» arqyly ag­­rar­lyq ǵylymdy damytýǵa, kólik-logıs­tıka ınfraqurylymynyń tıimdiligin arttyrýǵa, qurylysqa jáne kommýnaldyq sektorǵa zamanaýı tehnologııalardy engizýge, qarjy sektoryn qaıta jańǵyrtýǵa aıryqsha nazar aýdarylyp otyr. 

Sondaı-aq Elbasynyń bıylǵy Joldaýynda ár jylda negizgi mindetke aınalyp kele jatqan áleýmettik salaǵa da erekshe kóńil bólindi. 

Onda jastardy jańa tehno­lo­gııalyq jaǵdaıǵa daıyndaýdyń mańyzdy sharttary aıtylyp, bilim berýdiń jańa sapalyq kórset­kishteri aıqyn­daldy. Osy rette Elbasy bilim be­rý mekemeleri ara­synda báse­keles­tikti arttyryp, jeke kapı­taldy tartý úshin qala mektep­terinde jan basyna qa­tys­­ty qarjylandyrý júıesi engi­zi­­letinin erekshe atap ótip, aza­mat­tardy áleýmettik qar­jylaı qol­daýdyń basym baǵyt­taryna toqtaldy. 

Elbasynyń zamanaýı damý joldaryn eskere otyryp qazaq tiliniń ór­ken­deýine, rýhanı jańǵyrýǵa, halyqtyń den­saý­lyǵyn nyǵaıtýǵa basa nazar aýdarǵany – Pre­zı­dentimizdiń halqynyń bar qadir-qasıe­tin bo­ıyna jınaǵan ulttyq rýhyn kórsetti. 

Sonymen birge aldaǵyny boljap, erteńgisin de oza oılaıtyn, barsha qa­zaq­standyqtardy, búkil memleketti álem­dik órkenıetke jeteleıtin, kóregen kósh­basshy, saıası qaıratker, tarıhı tulǵa eken­digin taǵy bir dáleldedi. 

Sondyqtan Elbasynyń bıylǵy Jol­daýy – zamanǵa saı tarıhı ór­leý dáýirine bas­taıtyn, barsha qazaqstandyqtardy or­taq maqsat jolynda jumyldyratyn, ár­bir azamatty naqty is-áreketpen ósýge jeteleıtin, birtutas ult bolý qada­my­myzdy aıqyndaıtyn óte mańyzdy qujat. Ony júzege asyrý árqaısymyzǵa, sonyń ishinde bizdiń Parlament depýtattaryna zor jaýapkershilik júkteıdi. Ony abyroımen atqarý barshamyzdyń abyroıly mindetimiz. 

Nurlan NYǴMATÝLIN, Parlament Májilisiniń Tóraǵasy