Qarapaıym hobbıin kásipke almastyrǵan almatylyq jigitter amerıka naryǵyna shyqty, dep habarlaıdy Forbes.kz.
Qazaq ańyz-ertegileri negizinde qurastyrylǵan Ermek batyr týraly komıks alǵash ret AQSh naryǵyndaǵy Amazon platformasynda satylymǵa qoıyldy. Quny - 1,99 AQSh dollary.
Tengri Somics baspasyn qurǵan Mádıbek Musabekov pen Bekzat Myrzahmetov stýdent kezden beri tanys eken. Baspanyń ıdeıalyq jetekshisi ári sýretshisi, ssenarısi Mádıbek bolsa, ónimniń uıymdastyrý jáne qarjylyq jumystarymen Bekzat aınalysady.
Komıks sıýjetinde uzaq saıahattan soń eline oralýdy maqsat etken Ermek batyrdyń erligi baıandalady. Qazaq handyǵy dáýirine tuspa-tus kelgen oqıǵa tarıhı fentezı janryna qurylǵan.
– Shyǵarma kólemi aýqymdy. Kishkentaı áńgimeden bastalǵan áńgime jańa keıipkerlermen tolyǵa túsedi, qazir 1000 bet shamasynda. Jumys áli jalǵasady, – deıdi Mádıbek.
Qos jigittiń jumys kontentin platforma baqandaı 3 aı tekserýden ótkizgen. Osylaısha 2018 jyly 24 qańtarda Ermek the Batyr saıtta jaryq kórdi. Bekzattyń sózinshe, AQSh standartymen jumys isteý ońaı bolmaǵan.
– Bizdiń maqsatymyz – komıks-óndirisiniń iri oıyndaryna shyǵý. Bolashaqta bizdiń komıksterimiz týraly fılm túsirilse dep armandaımyz. Qazir Gollıvýdta ıdeıa jetpeıdi, jańa áńgimeler qashan da suranysqa ıe. Bizdiń ańyzdarymyz baı ári árqıly, – deıdi ol.