Ońtústik Qazaqstan oblysynda kómir tapshylyǵy joq. О́ńirlik kommýnıkasııalar qyzmetinde ótken brıfıngte oblystyq energetıka jáne turǵyn úı-kommýnaldyq sharýashylyq basqarmasynyń basshysy Marǵulan Maraıym osylaı dedi.
Ol Túrkistan qalasyndaǵy turmystyq-sharýashylyq jaǵdaıǵa kómir jetispeıtindigi týraly Youtube jelisinde shyqqan beınejazba 2017 jyly bolǵan oqıǵa ekenin, búginde Túrkistan qalasy boıynsha kómir tapshylyǵynyń joqtyǵyn aıtty.
– Túrkistan qalasynyń jylý maýsymyna turmystyq-sharýashylyqqa qajetti kómir otynynyń kerekti kólemi 90 myń tonnany qurasa, onyń búginge qamtamasyz etilgeni 85 myń tonna. Búgingi tańǵa, Túrkistan qalasyndaǵy kómir bazalaryndaǵy otynnyń qory 1,4 myń tonna bolady. Qosymsha qalaǵa kúndelikti kómir tasymaldanýda. Oblystyq energetıka jáne turǵyn úı-kommýnaldyq sharýashylyq basqarmasy «Qazaqstan temir joly» kásipornymen birlesip kómir tasymaldaý barysyna kúndelikti monıtorıng júrgizilýde, - dedi M.Maraıym.
Baqtııar TAIJAN,
«Egemen Qazaqstan»
Ońtústik Qazaqstan oblysy