Búgin atmosferalyq fronttardyń ótýine baılanysty Respýblıkanyń soltústik-batysynda qar jaýady, tek ońtústikte jáne ortalyqta keı jerlerde azdaǵan qar kútiledi. Qazaqstannyń basqa aımaqtarynda keı jerlerde jel kúsheıip, tuman túsedi. Bul týraly QR IIM TJK baspasóz qyzmeti habarlaıdy.
Almaty oblysynyń Jalańashkól aýdanynda jeldiń kúshi 20-25, ekpini 30 m/s-ǵa jetedi.
Jambyl oblysynyń keı jerinde tuman, túnde jáne tańerteń jeldiń jyldamdyǵy 15-20, ekpini 23 m/s-ǵa deıin kúsheıýi kútiledi.
Aqmola, Aqtóbe, Shyǵys Qazaqstan, Qostanaı oblystarynyń keı jerlerinde tuman bolyp, jeldiń kúsheıýi 15-20 m/s-ǵa jetedi, Qostanaı oblysynda burqasyn kútiledi.
Ońtústik Qazaqstan, Mańǵystaý, Batys Qazaqstan, Atyraý oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Qyzylorda, Soltústik Qazaqstan, Pavlodar, Qaraǵandy oblystarynyń keı jerlerinde tuman túsedi.