Ońtústik Koreıanyń Phenchhan qalasynda ótip jatqan qysqy Olımpıada oıyndaryna búgin ózgerister engizildi.
Búgin qazaqstandyq shańǵyshylar jarys jolyna shyǵýy tıis edi. Alaıda Olımpıada qalashyǵynda jeldiń qatty soǵýynan jarystar 15-16 aqpanǵa aýystyryldy.
FIS (Halyqaralyq shańǵy sporty federasııasy) málimeti boıynsha, búgin jeldiń jyldamdyǵy saǵatyna 72 km deıin jetedi dep boljanyp otyr. Sportshylardyń jaraqat alyp qalýynyń aldyn alý úshin osyndaı sheshim qabyldandy.
Aıta keteıik, búgin shańǵyshylar arasynda qazaqstandyq Igor Zakýrdaev synǵa túsýi tıis bolatyn.