Sınoptıkter 12 aqpanda elimizde aýa raıynyń qandaı bolatynyn aıtty, dep habarlaıdy "Qazgıdromet" RMK.
"Qazgıdromet" ortalyǵynyń habarlaýynsha, erteń, atmosferalyq fronttardyń ótýine baılanysty respýblıkanyń soltústik-batysynda qar jaýady, ońtústikte jáne ońtústik-batysta azdaǵan jaýyn-shashyn bolady. Qazaqstannyń basqa aımaqtarynda jaýyn-shashynsyz aýa raıy saqtalady. Keı jerlerde jeldiń kúsheıýi, tuman kútiledi, respýblıkanyń soltústik-batysynda burqasyn bolady.
Almaty oblysynyń Jalańashkól aýdanynda jeldiń kúshi sekýndyna 18-23 metrge deıin jetedi, túnde tuman kútiledi. Jambyl oblysynyń keı jerlerinde tuman, jel soǵady - sekýndyna 15-20 metr. Mańǵystaý oblysynda tuman, kúndiz kóktaıǵaq bolady. Qostanaı oblysynyń keı jerlerinde burqasyn men tuman bolady.
Sonymen qatar, Aqmola, Batys Qazaqstan, Qyzylorda, Atyraý, Soltústik Qazaqstan, Pavlodar, Qaraǵandy, túnde Shyǵys Qazaqstan oblystarynyń keı jerlerinde tuman túsýi yqtımal.