«Astana» - «Sportıng» arasyndaǵy oıynnan keıin bas bapkerlerdiń baspasóz máslıhaty ótti.
- Birinshi taımnan keıin shákirtterińizge ne aıttyńyz? Olar múlde basqasha oınap ketti ǵoı.
- Lıssabonǵa jeńispen oralatynymyzǵa qýanyshtymyn. Bul jerden kóptegen komandalar kóńil-kúıi túsip qaıtqan edi. Birinshi taımda bizdiń sol qaptal nashar oınady. Sebebi, olardyń oń qaptaly belsendi boldy. Úziliste, jigitterge ózderiniń úırenshikti oıynyn kórsetýin ǵana suradym. Degenmen, kerekti nátıjege qol jetkizgenimizge qýanyshtymyz.
- Jasandy alań oıyn barysyna qatty áser etti dep oılaısyz ba?
- Joq, «Astana» birinshi taımda jaqsy oınady. Biz qate taktıka alyp shyqqandaı kórindik te, birneshe qatelikter jasadyq. Tek ekinshi taımda ǵana óz-ózimizge kele aldyq.
- «Astananyń» búgingi oıynyn qalaı baǵalar edińiz?
- «Astana» komanasy óz alańynda jaqsy oınaıtynyn bilip keldik. Endi ekinshi oıynda Lıssabonda biz óte senimdi óner kórsetetin bolamyz. Sebebi, alǵashqy matchta teke-tires taǵydyryn sheshtik dep oılaımyn. Seıdý Dýmbııa kóptegen gol salyp, múmkindikterin múlt jibermeı júr. Onyń oıyny jaqsaryp kele jatqanyn aıtqym keledi. Al Koentraony almastyrýymnyń sebebi, oń qaptaldaǵy «Astananyń» oıynshysy qaıta-qaıta aldap, ótip, qaýip tóndire berdi.
- «Astana» kelesi oıyn aldynda eshqandaı múmkindiksiz qaldy? Al «Sportıng» úshin eń basty másele ne boldy?
- Biz úshin eń úlken máselemiz jasandy alań boldy. Aýa-raıy biz úshin qatty áser ete qoıǵan joq. Syrt alańda oınaý kez-kelgen komandaǵa qıyn. Al «Astana» sekildi óz alańynda jaqsy oınaıtyn ujymdarǵa qarsy matchta nátıjege qol jetkizgenimizge rızamyn.
- «Astana» komandasy birinshi bolyp gol soqqan kezde Sizdiń oıyńyz qalaı boldy?
- Qarsylas tehnıkalyq jaǵynan sapaly ekeni belgili. Erekshe oıyn úlgisine ıe, myǵym ujym. Olar kez-kelgen qarsylasty utyp kete alatyn jaǵdaıy bar. Taktıkalyq turǵyda da, myqty ekeni kórinip tur.
- Endi osydan keıin jaýapty matchta ekinshi qurammen shyǵa salatyn da shyǵarsyz...
- Men nátıjege rızamyn. Degenmen, fýtbolda barlyǵy múmkin. Mende ekinshi quram degen joq. Barlyq fýtbolshylar men úshin birdeı. Sondyqtan da, ekinshi oıyn aldynda kimdi shyǵaratynymdy qazir-aq aıta salamyn.
Ermuhamed MÁÝLEN