Elordada balalar arasynda «Teń múmkindikter álemi» atty I ınklıýzıvti sport festıvali ótedi. Oǵan erekshe bilimge múddeli mektep oqýshylary qatysady, dep habarlaıdy Astana ákimdiginiń resmı saıty.
Sharaǵa deni saý jáne sal, Spinabifida aýrýlaryna shaldyqqan, Daýn sındromy bar, aýtıkalyq spektri buzylǵan, qulaqtarynda múkisi bar, kózderi nashar kóretin balalar qatysatyn bolady.
Sharanyń basty maqsaty - erekshe bilimge múddeli balalardyń sportpen shuǵyldanýyna jaǵdaı jasaý.
«Bul - Astana úshin biregeı oqıǵa. Sporttyq alańda óz qabiletterin bochche, beıimdi júzý, parakarate, parathekvondo jáne horeografııa sııaqty ınklıýzıvti sport úıirmeleriniń shákirtteri kórsetetin bolady. Budan bólek, festıval aıasynda paralımpıadalyq sport túri «Golbol» federasııasy kózi nashar kóretin balalar úshin sheberlik sabaqtaryn uıymdastyrmaq. Sondaı-aq, sheberlik sabaǵyn StreetWorkout-tan QR-nyń bas jattyqtyrýshysy Aıtym Jaqypov ta júrgizetin bolady.