Nursultan Nazarbaev Iran Islam Respýblıkasynyń Prezıdenti Hasan Rýhanıge kóńil aıtý jedelhatyn joldady, dep habarlaıdy Aqordanyń baspasóz qyzmeti.
Memleket basshysy Irandaǵy jolaýshylar ushaǵy apatynyń saldarynan kóptegen adamnyń qaza bolǵany týraly habardy zor kúızelispen qabyldady.
«Qazaqstan halqynyń jáne jeke ózimniń atymnan qaza bolǵandardyń týystary men jaqyndaryna kóńil aıtyp, qaıǵylaryna ortaqtastyǵymdy bildiremin», – delingen jedelhatta.