Keshe Úkimet úıinde Premer-Mınıstr Baqytjan Saǵyntaev «Báıterek» ulttyq basqarýshy holdıngi» AQ dırektorlar keńesiniń kezekti otyrysyn ótkizdi, dep habarlady Premer-Mınıstrdiń baspasóz qyzmeti.
Otyrys barysynda kompanııanyń 2018 jylǵa arnalǵan josparlary qaraldy, onda «Qazaqstannyń damý banki» AQ-pen mámile jasasý sheshimi maquldandy. Mámilege sáıkes, «QDB-Lızıng» AQ (esk. «Qazaqstannyń damý banki» AQ enshiles uıymy) «Bıznestiń jol kartasy-2020» baǵdarlamasy aıasynda uzaq merzimdi lızıngtik qarjylandyrýǵa nesıe berildi.
Budan ózge, Dırektorlar keńesi holdıngtiń 2018 jylǵa arnalǵan bıznes-prosesteriniń, táýekelder men baqylaýlarynyń matrısasyn, ishki aýdıt qyzmetiniń 2017 jyldyń 4-toqsanyndaǵy esebin bekitti jáne «Báıterek» holdıngi tobynyń ishki aýdıt qyzmetiniń tıimdiligi men jumys sapasyn syrtqy táýelsiz baǵalaý nátıjelerin qarady.