Búgin “Qazaqstan” ulttyq telearnasynda Prezıdenttiń bes áleýmettik bastamasy Úndeýi týraly respýblıkalyq telekópir ótti.
“Nur Otan” partııasynyń hatshysy Tamara Dúısenova “Jalpy Elbasynyń jyldaǵy joldaýynda áleýmettik máseleler basty maqsattar bolatyn. Al Prezıdenttiń bes áleýmettik bastamasy sol Joldaýlardaǵy baǵyttardyń odan ary qaraı jalǵasy dep aıtýǵa bolady. Bir mıllıonnan astam “Nur Otan” partııasynyń negizgi músheleri bul bastamalardy tolyqtaı qoldaıtynyn jetkizip jatyr. Búgin Demokratııalyq kúshterdiń jalpyulttyq koalısııa múshelerimen dóńgelek ústel ótkizip, osy bastamalardyń iske asýyna jumyla úles qosatyndyqtaryn málimdedi” dedi.
Aıta keteıik,telekópirge Parlament Senaty men Májilisiniń depýtattary, “Nur Otan” partııasynyń hatshysy, “Atameken” QR Ulttyq kásipkerler palatasynyń Basqarma Tóraǵasy jáne belgili saıasatkerler men saıasattanýshylar qatysty.