Búgin “Qazaqstan” ulttyq telearnasynda Prezıdenttiń bes áleýmettik bastamasy Úndeýi týraly respýblıkalyq telekópir ótti.
QR Parlamenti Senatynyń depýtaty Bekmyrza Elamanov “Elbasy úndeýi halyqtyń turmys tirshiligin jaqsartýǵa baǵyttalǵan” dedi.
“Elbasynyń bes áleýmettik bastamasy halyqtyń kókeıinde júrgen ózekti máselelerdi qozǵady. Sebebi, bes bastama da halyqtyń turmys tirshiligin jaqsartýǵa baǵyttalǵan. Bul máseleler halyqpen kezdesýlerde, Parlament palatalarynda saýaldar retinde burynnan aıtylyp kelgen. Biraq, Elbasy ózi aıtqandaı, bul ózekti máseleler barlyq daıyndyqtan ótip, qarjylyq múmkindigi eskerilip mezgili kelgen kezde kóterilip otyrǵan máseleler. Halyq bul bastamalardy jaqsy qabyldap jatyr”, dedi Bekmyrza Elamanov.
Eske sala keteıik, telekópirge Parlament Senaty men Májilisiniń depýtattary, “Nur Otan” partııasynyń hatshysy, “Atameken” QR Ulttyq kásipkerler palatasynyń Basqarma Tóraǵasy jáne belgili saıasatkerler men saıasattanýshylar qatysty.