Qazirgi tańda halyqtyń ál-aýqatyn kóterý máselesine erekshe mańyz berilip otyr. Sonyń ishinde árbir azamatty tolǵandyratyn mańyzdy másele – páter, turǵyn úı.
Elbasy aıtqan «7 – 20 – 25» baǵdarlamasy izgi bastama ekeni anyq. Osyǵan sáıkes, 7 paıyzdyq nesıe boıynsha bastapqy salymnyń kólemi 20 paıyzdy quramaq. Nesıeler 25 jylǵa deıin beriledi. Mundaı bastama halyqtyń áleýetin kóterýge baǵyttalǵan. Bul – árbir otbasyna úlken demeý, úlken qoldaý bolatyny anyq.
Eldiń erteń – jastar! Bilimge bólinetin qosymsha 20 myń grant keleshekte árbir jastyń kirpish bolyp qalanýyna naqty bastama. Qala berdi, jataqhana máselesi sheshimin taýyp, stýdentter 2022 jylǵa deıin 25 myń orynmen qamtamasyz etilmek. Munyń bári – erekshe jaǵdaı.
Halyqtyń bıznes bastaýyna jaǵdaı jasaý maqsatynda shaǵyn nesıeniń jalpy kólemi eki esege kóbeıip otyr. Bul árbir iske muryndyq bolatyndaı bastama. Sondyqtan búgingi kún tolqynysqa toly, taǵdyrsheshti kún desek artyq emes. Muny halyqqa jetkizip, halyqtyń arasynda túsindirý jumystaryn júrgizý qajet. Parlamentke berilip otyrǵan tapsyrma – osy bastamalardy zańmen ushtastyrý. Elbasynyń bes bastamasy halyqtyń áleýmeti men áleýetin kóteretin ońdy baǵyt dep aıtýǵa tolyq negiz bar.
Baqytgúl HAMENOVA,
Májilis depýtaty