Elbasy Úndeýinde basty nazar halyqtyń áleýmettik jaǵdaıyn jaqsartýǵa baǵyttalǵan. Onyń árbir baǵyty erteńgi urpaqtyń jarqyn da, mereıli eldiń azamattary bolýyna jol ashady dep esepteımin.
Atap aıtar bolsam, «7 – 20 – 25» baǵdarlamasy ol − jastarymyzdyń, jas otbasylardyń turǵyn úıge qoljetimdiligin arttyra túseri anyq. Al úshinshi bastamada joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý máselesin Elbasy Bilim jáne ǵylym mınıstrligine 2022 jylǵa deıin túbegeıli sheshýdi tapsyrdy. Jataqhana máselesi sheshiletin bolsa stýdentter bilim men ǵylym jolynda esh alańsyz eńbektenedi degen senimdemin.
Sonymen qatar joǵary bilim alýdyń qoljetimdiligi men sapasyn arttyrý úshin 2018-2019 oqý jylynda taǵy 20 myń grant bólinetin boldy. Onyń 11 myńy tehnıkalyq mamandyqtar boıynsha bakalavrlyq bilim berýge tıesili. Bul tórtinshi ónerkásiptik revolıýsııa jaǵdaıyndaǵy jańa ekonomıkada zor suranysqa ıe bolatyn san myń jańa mamandy daıarlaýǵa múmkindik beredi dedi Memleket basshysy.
«Elimizdiń kóńili jaıly, turmysy maıly bolady», degen Prezıdent N.Nazarbaev Úndeýi el kóńiline zor senim uıalatty dep esepteımin.
Darııa QOJAMJAROVA,
TarMPÝ rektory,
UǴA akademıgi, professor