Ispanııanyń «Sevılıa» komandasy Chempıondar lıgasynyń 1/8 fınalynda syrt alańda Anglııanyń «Manchester Iýnaıted» komandasymen kúsh synasyp, 2:1 esebimen jeńiske jetti.
Oıynnyń alǵashqy bóliginde esep ashylmady. Al kelesi 45 mınýtta ıspanııalyq komanda belsendilik tanytyp, nebári tórt mınýttyń ishinde oıyn taǵdyryn sheship ketti. 74-mınýtta fransııalyq shabýylshy Vıssam Ben Iedder «Sevılıany» alǵa shyǵarsa, 78-mınýtta dýbl ıesi atandy.
Negizgi ýaqyttyń aıaqtalýyna alty mınýt qalǵanda «qyzyl soıqandar» sapynan Romelý Llýkaký esep aıyrmasyn qysqartqan. Biraq osydan keıin janushyra alǵa umtylǵanmen aǵylshyn komandasy Serhıo Rıkonyń qaqpasynan sańylaý taba almady.
Osylaısha qos kezdesýdiń qorytyndysy boıynsha andalýsııalyq komanda 60 jyldan keıin Chempıondar lıgasynyń shırek fınalyna alǵash ret joldama aldy.
Al Italııanyń «Roma» komandasy óz alańynda Ýkraınanyń «Shahter» komandasyn qabyldap, 1:0 esebimen jeńiske jetti. Jeńisti goldy 52-mınýtta Edın Djeko saldy.
Aıta keterligi, alǵashqy kezdesýde ýkraınalyq komanda rımdikterdi 2:1 esebimen utqanmen, eki oıynnyń qorytyndysy boıynsha Chempıondar lıgasynyń 1/4 fınalynda «Roma» klýby ótti.