2018 jyly 9 naýryzda «Nursultan Nazarbaev» halyqaralyq áýejaıynda «Astana-Dýbaı» halyqaralyq baǵytyndaǵy júk kóligin shekaralyq tekserý kezinde taýar anyqtamasy ilinbegen 3 qara sýmkadan suńqar tuqymdasyna jatatyn jyrtqysh qustar tabyldy. Bul týraly orman sharýashylyǵy jáne janýarlar dúnıesi komıtetiniń baspasóz qyzmeti habarlady.
13 naýryz kúngi Zoologııa ınstıtýty men Qazaqstan bıoalýan túrlikti saqtaý qaýymdastyǵy mamandarynyń birlesken komıssııasynyń sheshimimen, tabylǵan qustardyń aqsuńqar tuqymyna jatatyndyǵy anyqtaldy. Qazirgi ýaqytta tiri qalǵan 20 qustyń kúıi nashar, olar Almatydaǵy «Suńqar» ortalyǵyna jetkizildi.
Aq suńqar (lat. Falco rusticolus) - suńqar tuqymdasyna jatatyn jyrtqysh qus. Qazaqstanda turaqty mekendemeıdi. Kókshetaý, О́skemen, Almaty mańaıyn 12 jyl (1976-1988) ishinde 2 ret qana qystaıdy.