Shyǵys Qazaqstandaǵy tasqyn qaýpi bar aýdandardyń biri - Kókpekti aýdany. Aýdandyq Ishki saıasat bólimi mamandary óńirde tasqynnyń aldyn alý jumystary qarqyndy júrgizilip jatqanyn habarlady.
1 naýryzdan bastap barlyq aýyldyq okrýgterde táýlik boıy kezekshilik uıymdastyrylsa, sý arnalaryn, kópirlerdi tazalaý, bógetterdi nyǵaıtý jáne ózen arnalaryn tazartý boıynsha jumystardy júrgizýge qosymsha tehnıka tartý úshin aýyl sharýashylyq qurylymdary, kásiporyndar jáne uıymdarymen 178 kelisimshart jasalypty. Jalpy aýdan boıynsha tasqyn sýdy bógetsiz ótkizý úshin 26 kópir, 518 sý ótkizgish qubyr qar men muzdan tazartylyp jatqan kórinedi.
«Aýdanǵa 10 myń dana qap pen 10 tonna dızel otyny satyp alyndy. Samar, Kókpekti, Qulynjon, Tassaı aýyldyq okrýgtary aýmaǵynda ınertti materıal alatyn karerdiń oryndary belgilengen. Kókpekti aýylynda DEÝ-29 jol uıymynyń aýmaǵynda 600 tonna ınertti materıal, Samar aýylynda DSÝ-14 jol uıymynyń aýmaǵynda 300 tonna ınertti materıal daıyndaldy. «Shyǵys Qazaqstan oblysy avıasııa bólimshesi» kommýnaldyq memlekettik qazynalyq kásipornymen jáne jarý jumystarymen aınalysatyn «Vostokvzryvprom» JShS-men, sonymen qatar, aýdandaǵy jol uıymdarymen 48 tehnıkaǵa kelisim shart jasalyndy. Barlyq selolyq okrýgterde táýlik boıy kezekshilik uıymdastyrylyp, tıisti jumystar júrgizilýde», - deıdi aýdandyq Ishki saıasat bóliminiń basshysy Bek Nuǵybaev.
Azamat QASYM,
«Egemen Qazaqstan»
Shyǵys Qazaqstan oblysy,
Kókpekti aýdany