Astanada Dúnıejúzi qazaqtary qaýymdastyǵynyń uıymdastyrýymen etnomádenı is-shara ótti

Elorda tórindegi Táýelsizdik saraıyn dýmanǵa bólegen atalmysh oqıǵaǵa Eýropada turatyn tilshi-jýrnalıst Báshir Janaltaı, О́zbekstandaǵy qazaq ulttyq má­denı ortalyǵynyń ókili Kla­ra Sadyrbaeva bastaǵan shetelder­degi qazaq dıasporalary jáne ata­jurtyna oralǵan zııaly qaýym ókil­deri qatysyp, ulystyń ulyq meıramy – Naýryzdy atap ótti.

Mádenı sharaǵa jınalǵan qa­ýymǵa aqjarma tilegin arnaǵan mem­leket jáne qoǵam qaıratkeri Myrzataı Joldasbekov, qandas­tardy kele jatqan Ulys kúni mere­­kesimen quttyqtaı otyryp, halqymyzdy osyndaı jaqsy­lyq­qa jetkizgen bir táńirge shúkir­shilik etetinin emirene aıtty. Sony­men qatar qaıratker-ǵalym: «Naý­ryz áýeli tatýlyq meıramy. Tatý­lyqtyń ózegi – birlik pen bereke. Bizdiń babalarymyzdan qalǵan eń úlken amanat ta osy. Qazirgi táýelsizdik dáýirinde osy amanatqa adal bolýymyz kerek», dedi.

Jańa qyzmetke kiriskenine segiz aıdyń júzi bolǵan Dúnıejúzi qazaq­tary qaýymdastyǵy Tór­aǵa­synyń birinshi orynbasary Zaýytbek Tu­rysbekov, osy aralyqta at­qa­­rylǵan jumystyń barysy jaıly baıandap, jınalǵan kóp­shilikpen aldaǵy josparymen bólisti. – Eń áýeli, – dedi Za­ýyt­­bek Qaýysbekuly, – el­de­gi demografııalyq ahýaldy jaq­­­sartýdyń bir joly shettegi qa­zaq­tardy atajurtqa ákelý. Ol úshin olardyń baspana jáne ju­mys máselesin sheshý kerek. Osy maqsat úshin qazirgi tańda Astana mańynan 200 gektar jáne Shymkent qalasy tóńireginen dál osyndaı jer telimin alyp, ja­ńadan eldi meken turǵyzý isin qolǵa almaqpyz.

Munyń syrtynda elorda ma­ńyna kókónis ósiretin óte úlken aýmaq­qa jylyjaı salyp, odan shyqqan ónimderdi satatyn arnaıy bazar ashyp, qonystanýshy qandastardy jumyspen qamtymaq eken. Atap ótýge turarlyq taǵy bir jańalyq Qaýymdastyq Elba­sy tapsyrmasymen qurylǵan «Otan­dastar» qory arqyly ústimizdegi jyly 150-den astam mektep ja­syndaǵy jasóspirimdi (shetelde ómir súrip jatqan) Býrabaıdaǵy «Bal­dáýren» demalys lagerine ákelip, olardyń til úırenýine jáne elimizdiń tarıhı oryndarymen tanysýyna jaǵdaı týǵyzbaq. Bul is jyl saıyn jalǵasyn tabady jáne ýaqyt ozǵan saıyn de­malý­shy balalardyń da sany artady. Sonymen qatar buǵan deıin atajurtyna oralyp, ár sa­lada abyroıly qyzmet etip júr­gen tulǵalardyń da eńbegi nasıhattalmaq.

Osylaı mańyzdy basqosý ús­­­tin­de óziniń aldaǵy jospar-­jo­basymen tanystyrǵan Z.Turys­bekov, budan bylaı 21 naý­ryz­ǵa «Otandastar kúni» degen márte­be berip, ony Ulystyń uly kúni qar­­sa­ńynda kúlli el kóleminde qandastarǵa yqylas tanytatyn dataǵa aınaldyrýdy jıyn qo­naqtaryna usyndy. Usynys bir­den qoldaý tapty.

Jıynnyń sońynda qonaq­tar arnaıy daıyndaǵan ónerpaz­dardyń konsertin tamashalap, S.Ysqaqbekuly, B.Jalyn, B.Zer­de, A.Aqymbek, G.Syrymgúl qa­tar­ly qylqalam sheberleriniń kartınasyn, G.Toqanqyzy basta­ǵan bizkesteshilerdiń óneri men B.Qopylaıqyzynyń qolynan shyqqan oıýly syrmaqtardy tama­shalap, kózaıym boldy.

Beken QAIRATULY, «Egemen Qazaqstan»