Aqtóbede «Jastar arasynda quqyq buzýshylyqtyń aldyn alý» atty dóń­gelek ústel ótti

Atalǵan sharaǵa Qazaqstan Res­pýblıkasy bilim berý isi­niń úzdigi, Y.Altynsarın tósbelgi­si­niń ıegeri pedagog-psıholog Mar­ta Esirkepqyzy, oblystyq IID Sazdy polısııa bólimi ká­me­letke tolmaǵandardyń is­teri jónindegi ınspektory, po­lı­sııa kapıtany Elmıra Po­taqyzy, M.Bókenbaev atyn­da­ǵy Aqtóbe zań ınstıtýty «Ákim­­shilik quqyq jáne ishki is­ter organdarynyń ákimshilik qyz­­meti» kafedrasynyń aǵa oqy­týshysy, polısııa podpol­kov­nıgi Joldybaı Amantaıuly jáne arnaýly orta oqý oryn­­darynyń stýdentteri, oqy­tý­shylar men ata-analar qatys­ty.

Dóńgelek ústel barysynda jasóspirim damýyna áser etýshi tárbıeniń eki qaınar kózi – sanaly túrde áser etetin janashyr orta men qorshaǵan «kúrdeli» ortanyń ara jigi ashyp kórsetilip, adam úshin adas­paıtyn jol ómirdiń má­nin taýyp, jarqyn ómirge qul­shyný eken­digi jastarǵa uǵy­nyqty til­men túsindirilip, naq­ty derek­ter berildi. Shara qo­naǵy Marta Esirkepqyzy «El bolamyn deseń, besigińdi túze» dep M.Áýezov aıtqandaı, árbir ata-ana óz balasynyń tár­tibi men tárbıesine asa mán berip, bos ýaqytta nemen aınalysa­tynyna qatań baqylaý ja­sa­sa, jasóspirimder arasyn­da­ quqyq buzýshylyq pen qyl­­­­mystyń tómendeýine kóp sep­tigin tıgizer edi» dep óz oıymen bólisti. Sonymen qatar ata-ana men balaǵa, olardyń qarym-qatynasyna, ózara uǵy­nysýyna baǵyttalǵan trenıngter ótki­zi­lip, mamandar sa­rap­­tama jasady jáne tosyn da qyzyqty má­limetter men jas­tarǵa kerekti ke­ńes berildi. 

Aqtóbe gýmanıtarlyq kol­­led­jiniń «Kitaphana isi»­ ma­man­­dyǵynyń 3-kýrs stýdent­teri Albına Tileýbaeva, Gúlnur Esenǵalı, Aıym Jylqaıdar qoǵam, otbasy, jastar ómirinen sıtýasııalyq jaǵdaılar kóri­nisin sahnalaýǵa qatysty.

Shara tyńdaýshylary qonaq­tarǵa suraqtar qoıyp, oı-pikir­lerimen bólisti. Sondaı-aq «Jas­­­­­tar arasynda qylmystar» at­­ty beınerolık kórsetilip, «Zań jáne jastar» atty kitap kór­­mesi uıymdastyryldy. Osylaısha, ortaǵa tastalǵan oımen, usynystardy talqylaý arqyly jastar arasynda quqyq buzýshylyqtyń aldyn alý qadamy jasaldy.

 Lıza QARAǴOIShINA, S.Báıishev atyndaǵy oblystyq ámbebap ǵylymı kitaphanasynyń bólim meńgerýshisi    Aqtóbe oblysy