Memlekettik qyzmettiń bedelin kóterý, memlekettik basqarýdyń ozyq tájirıbelerin taratý, úzdik kásibı bilimi men daǵdylary bar elimizdiń memlekettik qyzmetshilerin anyqtaý jáne yntalandyrý, olardyń ýájdemelik júıesin jetildirý maqsatynda jyl saıyn «Qazaqstan Respýblıkasynyń úzdik memlekettik qyzmetshisi» Respýblıkalyq konkýrsy ótkiziledi. Aǵymdaǵy jyly atalǵan konkýrs memlekettik qyzmet isteri organdarynyń 20 jyldyǵymen ushtastyrylǵan.
Atalǵan jumysty júıeleý maqsatynda Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentinde óńirlik komıssııanyń alǵashqy otyrysy ótti.
Konkýrs óńirlik deńgeıde alǵash ret ótkizilýde. Komıssııa tóraıymynan jáne 8 múshesinen turatyn óńirlik komıssııa konkýrsqa qatysýǵa ótinish bildirgen 27 úmitkerdiń qujattarymen jáne konkýrstyq komıssııa jumysynyń erejesimen tanysty. Sonymen qatar, komıssııa músheleri testileýden keıingi komıssııa músheleriniń jumysyn, úmitkerlerdi irikteýde den qoıylatyn máselelerdi qyzý talqylady.
Konkýrsqa qatysýǵa barlyǵy 27 úmitker qujat tapsyrdy. Laýazymdary boıynsha 16 úmitker basqarma, bólim basshylary, 11- bas mamandar. Úmitkerlerdiń barlyǵy joǵary bilimdi, onyń ishinde 14 úmitkerdiń 2 jáne odan da kóp joǵary bilimi bar, 5 úmitkerdiń magıstr ataǵy bar. Jas erekshelikterine qaraı 25-30 jas aralyǵynda – 8 úmitker, 30-40 jas aralyǵynda – 15 úmitker, 40 - 50 jas aralyǵynda – 4 úmitker.
Otyrys barysynda konkýrsqa qatysýǵa úmit bildirgen 27 úmitker jóninde slaıdtyq kórsetilim arqyly qysqasha málimet berildi. Qujat tapsyrǵan úmitkerlerdiń arasynda «Bolashaq» baǵdarlamasy boıynsha Ulybrıtanııanyń Nottıngem ýnıversıtetin tamamdaǵan jáne Qazaqstan Respýblıkasy Prezıdenti janyndaǵy memlekettik basqarý akademııasyn tamamdaǵan memlekettik qyzmetshilerdiń bar bolýy qýantarlyq ekeni atap ótildi.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy