Búgin Ishki ister mınıstriniń birinshi orynbasary Janat Súleımenovtiń tóraǵalyq etýimen adamdardy zańsyz áketýge, ákelýge jáne satýǵa qarsy kúres máseleleri jónindegi vedomstvoaralyq komıssııanyń 34-shi otyrysy bolyp ótti, dep habarlaıdy IIM baspasóz qyzmeti.
Otyrys barysynda komıssııanyń 2017 jylǵy qyzmetiniń qorytyndysy, Qazaqstan Respýblıkasy Úkimetiniń Adam saýdasymen baılanysty qylmystardyń profılaktıkasy, aldyn alý jáne oǵan qarsy kúres jónindegi is-sharalar josparynyń oryndalý nátıjeleri, Adamdardy zańsyz áketýge, ákelýge jáne satýǵa qarsy kúres máseleleri jónindegi vedomstvoaralyq komıssııanyń 2018-2019 jyldarǵa arnalǵan jumys josparynyń jobasy, sondaı-aq Adam saýdasynyń qurbandaryna arnaıy áleýmettik qyzmetterdi kórsetý standartyn iske asyrýdyń problemalyq máseleleri qaraldy.
Premer-Mınıstr Baqytjan Saǵyntaevtyń 2018 jylǵy 28 naýryzdaǵy tapsyrmasyn oryndaý úshin adam saýdasyna qatysty qylmystarmen kúres, aldyn alý jáne joıý boıynsha 2018-2019 jyldarǵa arnalǵan kezekti is-sharalar josparyn ázirleý máselesi qaraldy. Qorytyndysy boıynsha otyrys hattamasyna qol qoıyldy.
Aıta keteıik, komıssııa el Úkimeti janyndaǵy konsýltatıvtik-keńesshi organ bolyp tabylady.