Jambyl atyndaǵy Halyqaralyq syılyqtyń ıegeri, jazýshy Iаkýp Omaroǵly tóraǵalyq etetin Eýrazııa Jazýshylar qaýymdastyǵyna qarasty «Kardesh kalemler» jýrnaly qazaq ádebıeti men mádenıetine udaıy kóńil bólip keledi.
Ankara qalasynda jaryq kóretin basylym osyǵan deıin Súıinbaı, Jambyl, Berdibek Soqpaqbaev, Sherhan Murtaza, Oljas Súleımenov, Rahymjan Otarbaev, Nurlan Orazalın, Esenqul Jaqypbektiń shyǵarmashylyǵyn nasıhattaý maqsatynda arnaıy nómir shyǵarsa, kezekti sanyn Alash qozǵalysynyń qaıratkeri, kórnekti aqyn, pýblısıst Maǵjan Jumabaevtyń 125 jyldyǵyna arnap otyr.
Redaksııa alqasy Halyqaralyq Túrki akademııasy men TÚRKSOI uıymy jarııalaǵan «Maǵjan Jumabaev jylyna» óz úlesterin osylaısha qosýdy jón sanapty. Sondaı-aq «Túrkistan – eki dúnıe esigi ǵoı, Túrkistan – er túriktiń besigi ǵoı» dep óz óleńderinde túrki taqyrybyn tý etken aqynnyń atý jazasyna kesilgenine 80 jyl tolǵanyn da eske ala ketipti.
Alǵashqy betterge «Kardesh kalemler» jýrnalynyń bas redaktory, túrik jurtynyń tanymal aqyny Álı Akbash aýdarǵan Maǵjan Jumabaevtyń óleńder toptamasy berilgen. Ári qaraı aqynnyń ǵylymı muralary men maqalalary, sondaı-aq ár jyldary tabylǵan qoljazbalary men tutynǵan jádigerleri oryn alǵan. Ulystyń uly kúnine oraılastyrylǵan Maǵjan Jumabaevtyń «Ár halyqtyń ózinshe jańa jyly, jyl basy bolady. Qaı ýaqytta, qaı halyqta bolsa da jańa jyl sol halyqtyń, sol ýaqyttyń sharýa jaǵdaıyna qaraı belgilengen. Eýropa jurttarynyń bir jerinde jańa jyl 1 qańtar, bir jerinde – 1 qyrkúıek, taǵy osyndaılar. Azııada jańa jyl – jazǵyturym, Qazaq elinde – naýryzdyń 22-si.
Qaı eldiń jańa jylyn alsaq ta, negizinde sharýashylyq jaǵdaı bolady. Qazaq jańa jyly din áserinen taza. Bul kúni eshbir qulshylyq, din ádetteri jasalmaıdy. Bar bolǵany el bir-birimen kórisip: «Jasyń qutty bolsyn!» deıdi. Jańa jyl kúni qazaq kún raıyna qaraı aldaǵy jazdy raqatty, raqatsyz bolady dep boljaý jasaıdy. Qar tez kete me, jaz jyldam bola ma dep boljaý jasaıdy. Jańa jyl kúni qazaq ədetinshe ər úıde qazan-qazan kóje pisiriledi» degen taǵylymdyq maqala da engen. Orys jazýshysy Mamın-Sıbırıaktan aýdarylǵan «Aqboz at» əńgimesin de kórýge bolady. Sonymen qatar Eýrazııa Jazýshylar qaýymdastyǵynyń tóraǵasy Iаkýp Omaroǵlynyń, TÚRKSOI uıymynyń bas hatshysy Dúısen Qaseıinovtiń, ádebıettanýshy-ǵalymdar Kemel Ospanov, Ferhat Tamır, Aıgúl Ismaqova, Jarasbaı Súleımenov, Orhan Sóılemez, Sáýle Málikova, Serikqazy Qorabaı, Zarqyn Taıshybaı, Qaıyrbek Kemeńger, Erbol Tileshov jáne basqalardyń zertteý eńbekteri toptastyrylǵan. Ankara qalasynda Maǵjan Jumabaevtyń 125 jasqa tolýyna oraı Gazı ýnıversıtetinde ótken halyqaralyq konferensııa barysynan da málimetter keltirilgen. Onda Qazaqstannyń Túrkııadaǵy elshisi Abzal Saparbekuly, Túrkııa Respýblıkasy prezıdentiniń bas keńesshisi Iаlchyn Topchý, Túrkııa mádenıet jáne týrızm mınıstriniń orynbasary Húseıin Iаaıman, Gazı ýnıversıtetiniń rektory Ibrahım Ýslan, Kechıóren mýnısıpalıtetiniń meri Mustafa Ak, Ahmet Iаsaýı ýnıversıtetiniń О́kiletti keńes tóraǵasy Musa Iyldyz, TÚRKIIаT ınstıtýtynyń dırektory Hýlııa Kasapoǵlý Chengel jáne basqa zııaly qaýym ókilderiniń aqyn shyǵarmashylyǵy jaıly ortaǵa salǵan oramdy oılary oqyrman nazaryna usynylǵan. Esterińizge sala ketsek, jýrnal Túrkııanyń barlyq aımaqtarymen qatar, túrkitildes elderdiń shyǵarmashylyq ortalyqtaryna taraıdy.
Qorǵanbek AMANJOL, «Egemen Qazaqstan»