Oqyrman...
...pikirin aıtady
Adamzat balasyna rýh berediElbasymyzdyń «Táýelsizdik dáýiri» kitaby rýhty oıatyp, sanany silkindirdi. Kitaptyń árbir joly, árbir sózi – ózimizdiń osy kúnge deıingi jolymyz, tarıhymyz, qıynshylyǵymyz, qýanyshymyz. Kitapty paraqtaı otyryp, kúndelikti ómirimizdiń tarıhyn kórgendeı boldym. Eń bastysy, «Táýelsizdik dáýiri» júrekke eline degen súıispenshilikti uıalatady, adamǵa erekshe rýh beredi.
Kitapta elimizdiń egemendik alǵan 26 jyl ishindegi qol jetkizgen 33 úzdik nátıjesi jazylǵan. Tolaǵaı tabystarymyzǵa tereńirek úńilsek, táýelsiz Qazaqstandy álemniń moıyndaýy, bas shaharymyz Astananyń boı kóterýi, Qazaqstannyń birneshe iri halyqaralyq uıymdardyń múshesi bolýy jáne de tóraǵalyq etýi úlken mártebeli qasıetke ıe boldy.
Jas urpaq búgin táýelsiz Qazaqstanda ómir súrip, erkin eldiń ulandary beıbit, yntymaqty elde ómir súrip jatyr. Elbasymyzdyń kitaby – sarynymen kimge bolsa da túsinikti, júrekke jumsaq, kóńilge qonymdy baıandalǵan. Jas urpaq osy kitapty oqı otyryp, kezeń tarıhyn, dáýir tarıhyn tereń túsine alady. Ár azamat bul kitapty oqı otyryp odan úırenýi, saıası, ekonomıkalyq oı-óristerin keńeıtýi kerek. Táýelsizdigimizdiń tarıhyn áste umytpaýǵa, onyń qadirine jetip, árbir kezeńnen taǵylym alyp, ony qurmettep, qasterlep bolashaq urpaǵymyzdyń sanasyna quıýdy mindettenýimiz kerek.
Nursha DALIShEVA, A.Jubanov atyndaǵy mýzyka mektebiniń tárbıeshisi
...usynys jasaıdy
Arnaıy mınıstrlik qurylsaElimizdiń «Baıqońyr» ǵarysh aılaǵynda neshe túrli zymyrandar ǵaryshqa ushyrylyp jatady. Qazaq eliniń ortalyq aımaqtaryna túgeldeı ekologııalyq qaıshylyqtardy ákelip adamdardyń, tórt túlik janýarlardyń densaýlyǵyna qater tóndirýde. Budan basqa Reseıdiń áskerı oqý-synaq aımaqtary, atap aıtsaq Atyraý, Batys Qazaqstan, Qostanaı oblystarynda jalǵa alǵan jerlerde jáne Qazaqstannyń áskerı-synaq polıgondary jumys istep tur. Elimizdiń áskerı-synaq polıgony aımaqtarynan bólek Temirtaý, Qaraǵandy, Jezqazǵan, Balqash, О́skemen, Atyraý, Rýdnyı, Jambyl jáne Almaty qalalarynyń da ekologııalyq jaǵdaıy máz emes.
Osy qalalarda aýany lastaıtyn kóptegen óndiris oryndary shoǵyrlanǵan – aýasy las aımaqtar bolyp esepteledi. Osy joǵaryda aıtylǵan jaıttardy eskere kelip, elimizde ekologııany basqaratyn arnaıy mınıstrlik qurylsa eken deımiz. Bul vedomstvo tek qana polıgondardy teksermeı, aýyz sý máselesin, azyq-túlikterdiń sapasyn baqylap, adamdardyń densaýlyǵy úshin qyzmet etse. Eger osy máseleni qolǵa alsaq, elimizdegi tamaq ónimderiniń sapasy jaqsaryp, sheteldikter qyzyǵyp satyp alady ári tutynatyn bolady. Qazaqstanda turǵyndardyń ál-aýqaty, densaýlyǵy jaqsaryp, ómir jastary uzaryp, ımporttyq taýarlardy satyp almaıdy, sebebi ózimizdiń azyq-túlikterimiz ekologııalyq taza ári arzan bolady. Elimiz baı, qýatty, halyqtarynyń áleýmettik jaǵdaıy joǵary bolar edi.
A.SAPAROV, Kentaý qalalyq «Ardager» qoǵamdyq birlestiginiń basshysy
...rızashylyq bildiredi
«Ardagerler úıi» osyndaı bolsynAtam qazaq «Jaqsynyń jaqsylyǵyn aıt – nury tasysyn» degendi Pavlodar qalasynda ornalasqan «Ardagerler úıi» qarttar men múgedekterdi ońaltýdyń oblystyq arnaýly áleýmettik qyzmetter kórsetý ortalyǵy» kommýnaldyq memlekettik mekemesiniń basshysy Marhaba Qarataevaǵa arnap aıtqandaı. Jumys kúnin ońalýǵa kelgendermen jeke-jeke amandasyp, kóńil kúılerin kóterip, «kútýshilerge degen qandaı aryz-shaǵymdaryńyz bar» dep surýdan bastaıdy. Juma kúni kúndelikti aman saýlyǵyna qosyp «juma kúnderińiz múbárak bolsyn» deıdi. Mine, osyndaı amandyqtan keıin kimniń bolsyn kóńil-kúıi kóterińki bolady.
Burynǵy sporttyq saýyqtyrý kesheni bolǵan ǵımaratty «Ardagerler úıine» bergen eken. Soǵan túbegeıli jóndeý jumystaryn júrgizip, ishinen úlken basseın, úsh saýna, sýmen shaıyný bólmesi, kitaphana oqý zaly men ýqalaý bólmesi jáne búkil ákimshilik qyzmetkerler keńsesi daıyndalypty. Búkil «Ardagerler úıinde» 93 adam ońalýshylarǵa qyzmet kórsetedi. Orta eseppen jylyna bir jarym myńdaı adam demalady eken. Onyń ústine eki júzdeı adam kúndiz kelip saýyqtyrý em-domyn alady. Osy mekemeniń basshysynan bastap aspazdaryna, qosshylaryna, bárine rızashylyǵymyz mol.
Aqsaqaldar atynan Qaıyrgeldi MAShYRYQULY Pavlodar oblysy, Aqtoǵaı aýdany, Ábjan aýyly
...maqtan tutady
Shákirtińniń syıly bolǵany qýantadyBúgingi jas ustazdarǵa qarap otyryp ózimniń Bórli aýdany, Tıhonov orta mektebine joldamamen barǵanym, alǵashqy tamyz keńesine qatysqanym esime túsedi.
Mine, kóp jyl ótti, men de tájirıbe jınadym. Oqýshylarymnyń mekteptegi jetistikteri meni qýantty. 40 jyl ishinde júzdegen ulttan turatyn túlekterimniń kóbi kásibı maman, ǵalym, ınjener, iri kásipker bolyp, týǵan elimiz – táýelsiz Qazaqstannyń ósip, damýyna óz úlesin qossa, keıbiri jer sharynyń ár túkpirinde oryn taýyp, eńbek etip júr. Olardyń kóbi maǵan jıi habarlasyp, rahmetin aıtyp, jetistikterimen bólisip otyrady. Shákirtiniń syıly tulǵa bolýy – ustaz úshin eń joǵary baǵa.
Jaqynda ınternet jelisinen Baıqońyr ǵarysh ortalyǵynda bas ınjenerdiń orynbasary bolyp qyzmet etetin Olga Evenkonyń meniń atyma joldaǵan quttyqtaýyn kórip, kóńilim kóterilip qaldy. Shákirtimniń qarapaıymdyǵy, tárbıesi, bilim-biligi, 40 jyldan asa ýaqyt ótse de bilim alǵan uıasy men ustazdaryn umytpaýy meni tánti etti. Elbasymyz aıtyp júrgen «Týǵan jerge taǵzym» degen osy emes pe?
Asqar AQYShEV,
Qazaqstan Respýblıkasynyń eńbek sińirgen qyzmetkeri
...izdeý salady
Úmitimdi úzbeıminMen búginderi seksenniń úsheýine aıaq basqan qartpyn. Bes jasta ákeden aıyrylyp, ómirdiń neshe túrli belesterin bastan ótkerdik. Aldymen sol qıyn-qystaý kezeńderde ósirip el qataryna qosqan anama quldyq uramyn. Sodan soń bilim men tárbıe nárin quıa bilgen ustazdaryma basymdy ıemin. Biz 1954 jyly mektepti 40-tan astam shákirt aıaqtaǵan ekenbiz. Bizge bilim nárin berip ómirge joldama usynǵan ustazdarymyzǵa myńda bir alǵysymyzdy aıtamyz.
Aıtarym – sol bir kezderi mektepti birge bitirgenderden búginde aman-esen júrgenderi habarlasyp jatsa, men úshin úlken qýanysh sol bolar edi. Al eger olardyń bala, nemere, shóbereleri habarlassa da quba-qup.
Meniń meken-jaıym: Soltústik Qazaqstan oblysy, Ǵ. Músirepov aýdany, Novoıshım aýyly, Sovet kóshesi, 6-8 úı. Telefondar: 8-7153521134 úı; 8-7786768884.
Zeınelǵalı KENJEǴALIEV