Ertistiń sýy Semeı-Dolon jolynyń 32 shaqyrymyna jaıylyp, jol jabylǵan. Sonyń saldarynan Besqaraǵaı aýdanyna qarasty Birlik aýylynan 18 adam qaýipsiz jerge kóshirildi, dep habarlaıdy tótenshe jaǵdaılar departamenti.
Úıine sý jaıylǵan adamdardyń barlyǵy Glýhov aýylynyń mektebine ornalasty. Atalmysh aýyl halqyna da tasqyn kúsheıgen jaǵdaıda ne isteý kerektigi túsindirildi.
«Birlik aýylynda 38 úı bar. Olarda 116 adam turady. Aýyldy tótenshe jaǵdaı mamandary baqylaýǵa alyp, kúzet qoıyldy» - delingen departament taratqan aqparatta.
Keshe osy aýdandaǵy Krıvın aýylynyń tusynda Ertistiń muzyn jarý jumystary júrgizilgen bolatyn. Qazirgi tańda Besqaraǵaı aýdany boıynsha 40 qutqarýshy men 13 tehnıka, 4 qaıyq apatpen kúreske daıyn tur. Al Zyrıan aýdanynda áli 72 úıdi sýdan aryltý jumystary júrip jatyr. О́tken táýlikte úılerden 47 myń tekshe metr sý shyǵarylǵan.
Buǵan deıin oblystyń ákimi Danıal Ahmetov Zyrıan qalasynan 2 mln tekshe metr sý sorǵytý qajettigin aıtqan bolatyn. Osy aýdannyń Turǵysyn aýylynda tasyǵan sýdyń arnasy keńeıtilse, Chapaev aýylynda dambany bıiktetý jumystary qarqyn alýda. Andreev aýylynda sý shaıǵan kópirdi qalpyna keltirý jumystary bastalyp ketti. Semeıde de sý sorǵytý jumystary jalǵasýda.
«Qalǵan aýdandarda jaǵdaı tolyq turaqtala bastaǵandyqtan, kesheden beri dabyl jelisi jumysyn toqtatty» - deıdi departamenttiń baspasóz qyzmeti.