2018 jylǵy 4 sáýirde «Ulttyq táýelsiz emtıhan ortalyǵy» RQB músheleri jalpy jınalysynyń keńeıtilgen otyrysynda keńesshi organ – Joǵarǵy Alqa Keńesi (JAK) quryldy, ol densaýlyq saqtaý salasy mamandaryn sertıfıkattaý, lısenzııalaý, densaýlyq saqtaý salasynyń bilim berý jáne ǵylymı uıymdarynyń ǵylymı-pedagogıkalyq kadrlarynyń sondaı-aq úırenýshileri men túlekteri quzyrettilikterin baǵalaý máseleleri baǵytynda Qazaqstannyń densaýlyq saqtaý salasyndaǵy kásibı qaýymdastyqtardyń ózara tıimdi áreket etýi úshin osy maqsattar men mindetterdiń júzege asyrylýyn qadaǵalaıdy.
Otyrys jumysyna Densaýlyq saqtaý Vıse-Mınıstri, QR Parlamenti Senatynyń depýtattary, ulttyq jáne ǵylymı medısınalyq ortalyqtardyń, medısınalyq bilim berý uıymdarynyń basshylary, densaýlyq saqtaý salasynyń tájirıbelik jáne kásibı qaýymdastyqtar ókilderi, t.b. qatysty.
Densaýlyq saqtaý Vıse-Mınıstri L.M.Aqtaeva quttyqtaý sóz sóılep, UTEO qyzmetindegi táýelsiz jáne ózin-ózi retteıtin ortaǵa shyqqaly bergi qarqyndy oń ózgeristerdi, JAK qurý arqyly alqalyq sheshimder ınstıtýtynyń engizilýin, bul Qazaqstannyń densaýlyq saqtaý júıesin jetildirý úshin barlyq medısınalyq qaýymdastyqtardyń pikirlerin ujymdyq talqylaýdy, ortaq kelisimmen jumys isteýdi qamtamasyz etetin biryńǵaı alań qalyptastyrýdaǵy alǵashqy qadam ekendigin atap ótti.
Ashyq daýys berý arqyly kásibı medısınalyq qaýymdastyqtar, QR medısınalyq JOO Respýblıkalyq oqý-ádistemelik keńesi, densaýlyq saqtaý salasynyń tájirıbelik jáne kásibı qaýymdastyqtary, Qazaqstan medısınalyq kolledjderi odaǵy, t.b. ókilderiniń arasynan JAK quramyna 15 adam saılandy. JAK tóraǵasy bolyp, bir aýyzdan Astana qalasynyń qurmetti azamaty, Qazaqstan Respýblıkasy Parlamenti Senatynyń eks-depýtaty V.N.Redkokashın saılandy, oǵan JAK aldaǵy qyzmetindegi joǵary senimniń, kásibıliktiń, yntymaqtastyqtyń, ádildiktiń sımvoly naqyshtalǵan JAK Prezıdentiniń Qurmet belgisi tabystaldy.