Búgin Úkimet úıinde Premer-Mınıstr Baqytjan Saǵyntaev ekonomıkalyq ósim, eńbek ónimdiligi, ınvestısııalar tartý, jumyspen qamtý jáne jańa jumys oryndaryn ashý boıynsha 2018 jylǵa arnalǵan maqsatty kórsetkishterge qol jetkizý máseleleri jónindegi jumys keńesteriniń toptamasyn bastady. Bul týraly primeminister.kz habarlaıdy.
Keńes barysynda Almaty qalasynyń ákimi B. Baıbek jáne Almaty oblysynyń ákimi A. Batalov AО́K-ti, týrızmdi, saýdany, kólik jáne logıstıkany, bilim berý, densaýlyq saqtaý salalaryn, jappaı kásipkerlikti damytý, ındýstrııalandyrý, tehnologııalyq jańartý jáne sıfrlandyrý jumystaryn júrgizý, ınvestısııalardy tartý jáne ónimdi jumyspen qamtamasyz etý boıynsha atqarylǵan jumystar týraly baıandady.
Jıynda máselelerdi talqylaýǵa ulttyq ekonomıka mınıstri T. Súleımenov, ınvestısııalar jáne damý mınıstri J. Qasymbek, aqparat jáne kommýnıkasııalar mınıstri D. Abaev, bilim jáne ǵylym mınıstri E. Saǵadıev, mádenıet jáne sport mınıstri A. Muhamedıuly, eńbek jáne halyqty áleýmettik qorǵaý mınıstri M. Ábilqasymova, aýyl sharýashylyǵy vıse-mınıstri G. Isaeva jáne densaýlyq saqtaý vıse-mınıstri L. Aqtaeva qatysty. I toqsan qorytyndysy shyǵarylyp, 2018 jylǵa arnalǵan ósý núkteleri anyqtaldy. Oblys ákimderiniń esepterin tyńdaý jumystary jalǵasýda.