Búgin Úkimet otyrysynda memlekettik-jekeshelik áriptestikti damytý máselesin qaraý barysynda QR Premer-Mınıstri Baqytjan Saǵyntaev birqatar naqty tapsyrmalar berdi.
Ulttyq ekonomıka, ınvestısııalar jáne damý, densaýlyq saqtaý mınıstrleri, sondaı-aq birqatar oblystardyń ákimderi MJÁ damytý týraly baıandady.
Baqytjan Saǵyntaev Memleket basshysy MJÁ tetikterin qoldaný salasyn keńeıtýge úlken mán berip otyrǵanyn atap ótti. Úkimet tarapynan barlyq qajetti sheshimder qabyldanyp jatyr jáne MJÁ salasyndaǵy zańnamany ózgertý jónindegi máseleler ýaqytyly qaralýda.
«Búgingi basty másele – Prezıdenttiń 5 áleýmettik bastamasyn iske asyrý aıasynda MJÁ negizinde stýdentterge arnalǵan jataqhanalar salý. О́ńirlerdiń ákimderi atalǵan máselege basa nazar aýdarýy kerek», — dedi Baqytjan Saǵyntaev.
MJÁ jobalarynyń 75%-ke jýyǵy áleýmettik salaǵa tıesili. Bul — bilim berý jáne densaýlyq saqtaý nysandary. Olardy júzege asyrý memleketke bıýdjetti jeńildetýde úlken kómek beredi.
Budan ózge, B. Saǵyntaev turǵyn úı-kommýnaldyq sharýashylyq salasynda MJÁ tetikterin engizý boıynsha alǵashqy qadamdar jasalyp jatqanyn atap ótti. Osyǵan baılanysty ınvestısııalar jáne damý mınıstri J. Qasymbekke MJÁ sheńberinde júzege asyrylatyn barlyq jobalardy muqııat qaraý tapsyryldy.
Baqylaý jumystary Premer-Mınıstrdiń orynbasary E. Dosaevqa júkteledi.