Japonııada el namysyn qorǵap júrgen kásipqoı sýmoshy Ersin Baltaǵul sportshylarmen jáne jas balýandarmen kezdesti, dep jazady Egemen.kz.
Kezdesýge qazaq kúresiniń túıe balýandary men Qazaqstan Barysy týrnıriniń jeńimpaz-júldegerleri Beıbit Ystybaev, Rýslan Ábdirazaqov, Muhıt Tursynov, Erasyl Qajybaev, sondaı-aq Parıj Olımpıadasynyń qola júldegeri Ǵusman Qyrǵyzbaev bastaǵan dzıýdo quramasynyń sportshylary qatysty.
Shara barysynda jas balýandar Ersin Baltaǵulǵa tól kúresimizidiń ádis-tásilderin kórsetip, sýmo men qazaq kúresiniń úndestigin pash etti. Tanymal sýmoshy óz kezeginde sýmoda jıi qoldanatyn ádisterin tanystyryp, tájirıbesimen bólisti.
«Kásipqoı sporttaǵy tabysymnyń kilti – eńbek, tártip jáne ulttyq negizden ajyramaý. Men qazaq kúresi men dzıýdo mektebi arqyly qalyptastym. Japondarda «Ondýoshın ı» degen uǵym bar, ıaǵnı zaldyń rýhyn seziný. Men de kilem men zaldyń tynysyn sezinýdi tól kúresimizdiń mektebinen úırendim. Buǵan mysal keltiretin bolsam, men sýmo beldesýlerinde qazaq kúresiniń «Jambas» ádisin jıi qoldanamyn», dedi sportshy.
Is-shara sońynda Qazaq Kuresi Assosıasııasynyń bas dırektory Meıirjan Bereketov Ersin Baltaǵulǵa qurmet kórsetip, ıyǵyna qazaqy dástúrmen shapan jaýyp, estelik kádesyı tabystady.
Japonııany moıyndatqan jalǵyz qazaq: Ersin Baltaǵul Astanada jankúıerlerimen kezdesý ótkizedi
Aıta keteıik, Memleket basshysy byltyr jyl sońynda Japonııaǵa jasaǵan sapary aıasynda Ersin Baltaǵulmen kezdesip, sýmoshyny el azamattary maqtan tutatynyn atap ótken edi.