Búgin Astana qalasynyń ákimi Áset Isekeshevtiń tóraǵalyǵymen ótken apparattyq keńeste elordadaǵylıft sharýshylyǵy jaǵdaıy talqylanyp, máselege qatysty qalalyq orta sapasy jáne baqylaý basqarmasynyń basshysy Tólegen Qulyshev baıandama jasady.
Búgingi tańda elordada 69 arnaıy uıym qyzmet kórsetetin 6 653 lıft tirkelgen. Olardyń ishinde: turǵyn úılerde - 4 910 lıft, ákimshilik ǵımarattarda - 1 743.
Lıftte júrýdiń ortasha baǵasy: kartochkalyq júıede bir jolǵyǵa 9 teńge, al BTJ arqyly - aıyna 1 200 teńge.
2017 jyly qalaákiminiń tapsyrmasyna sáıkes 96 lıft, sonyń ishinde qyzmet merzimi bitken (25 jyldan astam) 63, apattyq 23 jáne «О́rken Qala» JShS qaıtarymdy qarajaty esebinen 10 lıft almastyryldy.
Qulyshevtyń aıtýynsha, búgingi tańda atalǵan salada tártip ornatý men qatar «Atameken» UKP-men birlese otyryp lıft sharýashylyǵyn paıdalaný salasynda, sonyń ishinde lıft kompanııalary men PIK-terdiń jaýapkershiligin arttyrýǵa qatysty normatıvtik erejelerdi retteý qajet.
«PIK tarapynan baqylaýdyń joqtyǵy men lıft kompanııalarynyń tıisti jumystardy atqarmaýy saldarynan lıftilerdiń apattyq toqtaý oqıǵalary jıilep ketti», - dedi ol.
Onyń keltirgen málimetterine sáıkes, 2017-2018 jyldary jumys istemeıtin lıftter boıynsha 547 ótinim kelip túsken. Qazirgi ýaqytta 9 úıde jumys istemeıtin 12 lıft bar. Sondaı-aq, osy kezeńde, «Edem Palas 1, 2», «Aııa», «Ýspeh» turǵyn úı keshenderinde lıftterdiń apatty toqtaýy, kóterý qurylǵysynyń úzilýi saldarynan sońǵy fakt Táýelsizdik dańǵyly, 38/2 meken-jaıy boıynsha tirkelgen.
Astana qalasy ákiminiń tapsyrmasyna sáıkes Turǵyn úı ınspeksııasy Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıtetiniń Astana qalasy boıynsha departamentimen birlese otyryp qaladaǵy 117 nysanda 727 lıft qondyrǵylaryn paıdalanyp otyrǵan 64 PIK qyzmeti tekserildi. Monıtorıng nátıjesinde 239 kóterý mehanızminde kemshilikter anyqtalyp, 30 basqarý organdarynyń basshylaryna uıǵarym tapsyryldy.
«Qyzmet kórsetýshi uıymdar men ıeleri tarapynan ónerkásiptik qaýipsizdik zańnamasy salasyndaǵy talaptar tolyq oryndalyp otyrǵan joq. Ákimshilik sharalar tıisti nátıje bermeýde. Sondyqtan olardyń jaýapkershiligin qylmystyq deńgeıge deıin qatańdatýdy usyný qajet», - dep atap ótti ákim.
О́z kezeginde, qala ákimi qalalyq orta sapasy jáne baqylaý basqarmasyna Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıtetiniń Astana qalasy boıynsha departamentimen birlese otyryp PIK jáne lıft sharýashylyǵy kompanııalaryn tekserý jumystaryn jalǵastyrýdy tapsyrdy.