Sharanyń basty maqsaty – óner arqyly elimizdegi onkologııalyq aýrýlarǵa shaldyqqan naýqas balalarǵaqol ushyn berý. Qoǵamdy, barsha adamzatty meıirimdilikke, ıgi ister men áreketterge shaqyrý.
Sharada belgili opera ánshisi Juldyz Ýalıhan, tanymal balet ártisi Dosjan Tabyldy jáne basqalar óz ónerlerin qalyń kórermenderge pash etti.
Alǵash ret qazaqstandyq qana emes, sonymen birge álemdik sahnada óner kórsetetin biregeı opera ánshisi erekshe shoýdy jańasha formatta usyndy.
Shoý áıgili álemdik opera, halyq ánderimen qatar, balettiń jańasha qoıylymdarynan turdy. Mýzykalyq nómirler dybys, daýys jáne bı arqyly túrli sezimniń búkil dramatýrgııasyn kórsete aldy.
Juldyz Ýálıhannyń ásem daýysy men Dosjan Tabyldynyń keremet plastıkasy kórermenge barlyq tańǵajaıyp sezimder men emosııalardy tartý etti. Ekeýi birigip óner arqyly mahabbat, sezim, adamgershilik, arman, beıimdilik, yntyzarlyq jáne sulýlyq týraly baıandady.
Sondaı-aq, mýzykalyq shoý aıasynda «Seniń baǵyńda» atty jańa klıptiń tusaýkeseri ótti. Atalǵan sol keshte Juldyz Ýálıhannyń mýzykalyq albomynyń satylymynan túsken qarajat11 jasar naýqas Aıbek Jebegenge tapsyrylatyn boldy.