Qaırat Mámı halyqaralyq konferensııaǵa qatysty

Konferensııa jumysyna shetelderdiń konstıtýsııalyq baqylaý organdarynyń, Quqyq arqyly demokratııa úshin Eý­ro­palyq Komıssııa, Eýropalyq Keńes (Venesııa komıssııasy) jáne Qyrǵyzstanda akkredıttel­gen basqa da halyqaralyq uıym­dardyń ókilderi, sondaı-aq taıaý jáne alys shetelderdiń belgili ǵalymdary qatysty.

Konferensııa barysynda Q.Mámı «Konstıtýsııanyń ús­tem­­digin qamtamasyz etýde kons­tıtýsııalyq ádilet organdarynyń róli» atty birinshi seksııanyń mo­deratory retinde sóz sóıledi. 

О́z baıandamasynda ol kele­silerdi atap ótti.

«Búginde halyqaralyq aý­qym­da konstıtýsııa týraly tezıs «tiri konstıtýsııa» tujyrymdamasyna negizdelip, damyp otyratyn qu­qyqtyq materııa retinde tanylǵan. Ony odan ári jetildirý oǵan túze­týler engizý jolymen ǵana emes, konstıtýsııalyq baqylaý organ­darynyń sheshimderi negizinde de júzege asyrylyp keledi. Negizgi Zańnyń eń qymbat qazynasy – adam jáne adamnyń ómiri, quqyqtary men bostandyqtary. 

Konstıtýsııalyq ádilet organdary ózderiniń kúndelikti qyzmetinde osy erejelerdi basshylyqqa alady jáne olardyń sheshimderi quqyqtyq ústemdigi qaǵıdatyn ómirde júzege asyrýǵa baǵyttalǵan. 

Osy úzdiksiz proseste kons­tı­týsııalyq praktıkany qalyp­tastyrýǵa qajetti jaǵdaı ja­saý­dyń mańyzy óte zor. Ol kons­tı­týsııalyq normalardyń naq­ty kú­shin, olardyń birkelki qol­da­ny­lýyn qamtamasyz etý úshin qajet. 

Osy maqsatta Qazaqstanda ótken jyly konstıtýsııalyq re­forma boldy, onyń máni Pre­zı­denttiń keıbir ókilettikterin Parlament pen Úkimet arasynda qaıta bólýmen qorytyndylanady. 

Konstıtýsııalyq Keńes óziniń ókilettikteri sheńberinde el zań­namasynyń jumys isteýiniń pármendi kepili bolyp tabylady», – dep qorytyndylady sózin Q.Mámı. 

Bishkek qalasynda Qazaqstan Konstıtýsııalyq Keńesiniń Tór­aǵasy birqatar elderdiń kons­tı­týsııalyq ádilet organdary basshylarymen ekijaqty kezdesýler ótkizdi.