Qostanaı oblysyndaǵy Naýyrzym aýdanynyń Qarameńdi selosyndaǵy №14 órtten saqtaý bóliminiń baılanys beketine Naýyrzym memlekettik tabıǵı qoryǵy basshylyǵynan dabyl tústi.
Qoryq qyzmetkerleri qaý bop ketken qurǵaq shópterdi órtegen. Biraq jeldiń kúsheıýi nátıjesinde ot baqylaýdan shyǵyp, qoryq aýmaǵynyń «Aqbulaq» shatqalyna aýysty. Dala órtine ulasqan. Qostanaı oblysy boıynsha «Qazgıdromet» RMK fılıalynyń Qarameńdi selosyndaǵy meteostansııasynyń málimeti boıynsha, Naýyrzym aýdanynda jeldiń jyldamdyǵy 19 m/s jetken.
О́rtti sóndirýge 128 adam jáne 26 tehnıka, taǵy da kúsh pen quraldar qatystyryldy. Sonyń ishinde tidsiz jaýdy aýyzdyqtaýǵa Qostanaı oblysynyń TJD, jergilikti atqarýshy organdar men qoryqtyń erikti órtke qarsy qurylymdary tartylǵan.
О́rt shamamen 500 gektar jerdi qamtyǵan. Áıteýir, orman alqabyna qaýip jáne jaraqat alǵandar men qurbandar bolǵan joq. Keshke qaraı tutanǵan otty túngi 23 saǵat 45 mınýtta túgel sóndirgen.
О́rt ornynda Qostanaı oblysynyń IID jedel-tergeý toby jumys júrgizip jatyr. Qazaqstan Respýblıkasy Qylmystyq Kodeksiniń «О́rt qaýipsizdik talaptaryn buzý» dep atalatyn 292-baby boıynsha qylmystyq is qozǵaldy.
Názıra Járimbet,
«Egemen Qazqstan»
Qostanaı