Ortalyq kommýnıkasııalar qyzmetinde «Modernızasııa jaǵdaıyndaǵy jastarǵa arnalǵan jańa múmkindikter» atty baspasóz konferensııasy ótti, dep habarlaıdy OKQ baspasóz qyzmeti.
«Ákimdikter 2017-2020 jyldarǵa arnalǵan jastardyń bos ýaqytyn tıimdi ótkizýge baǵyttalǵan is-sharalar josparlaryn ázirledi. Birqatar óńirler jobalarynyń ınfraqurylymyn qalyptastyra bastady. Qazirgi ýaqytta kovorkıng ortalyqtar, sporttyq nysandar, aýla klýbtary ashylýda. О́tken jyly osy josparlarǵa sáıkes 379 jańa kóp fýnksıonaldy nysandar jáne 7 densaýlyq ortalyǵy paıdalanýǵa berildi», dedi Din isteri jáne azamattyq qoǵam vıse-mınıstri Abzal Núkenov.
Vıse-mınıstrdiń aıtýynsha, jumyssyz jastardyń sany sońǵy jyldary 4,1%-dan 3,9 %-ǵa deıin azaıǵan. 2017 jyly 2016 jylmen salystyrǵanda jastar arasyndaǵy quqyq buzýshylyqtardyń sany 3,6%-ǵa tómendegen, sondaı-aq, jastardyń arasynda sýısıd oqıǵalary 8, 2% azaıǵan.
«2013-2020 jyldarǵa arnalǵan memlekettik jastar saıasatyn iske asyrý tujyrymdamasy» jastar saıasatynyń negizgi baǵyty bolyp tabylady. 2017 jyly «Bolashaqqa baǵdar: rýhanı jańǵyrý» baǵdarlamalyq maqalasy eskerile otyryp, atalǵan tujyrymdamany iske asyrý josparyna ózgerister engizildi. Jańadan qosylǵan is-sharalar jumyspen qamtý, bos ýaqytty tıimdi paıdalaný, otbasylyq qundylyqtardy damytý, jastar uıymdaryn qoldaý, kásipkerlik pen volonterlik qyzmetti qamtıdy», dep qorytyndylady.