2018 jylǵy 21-22 sáýirde Aýǵanstanda oryn alǵan terrorıstik áreketterge baılanysty Syrtqy ister mınıstrligi málimdeme jasady.
Qazaqstan 2018 jylǵy 21-22 sáýirde Aýǵanstanda oryn alyp, áıelder men balalardy qosa alǵanda, kóptegen beıbit azamattardyń ólimine ákelip soqqan terrorıstik áreketterdi qatań túrde aıyptaıdy.
Kópten-kóp zardap shekken aýǵan halqy osy joly DAISh júzinde halyqaralyq terrorızm tarapynan júzege asyrylǵan jáne saılaýdyń aldyndaǵy Aýǵanstandaǵy ahýaldy turaqsyzdandyrýǵa maqsat etken arsyz jáne qatal áreketterge tap boldy. Halyqaralyq terrorıstik uıymdar sodyrlary tarapynan júzege asyrylǵan osyndaı áreketteriniń Qabyl tarapynan eldegi ishki saıası jaǵdaıdy turaqtandyrýǵa baǵyttaǵan bastamalaryna kedergi keltirmeıtinine kámil senemiz.
Qazaqstan terrorızmniń kez kelgen kórinisine qarsy ymyrasyz kúresti óziniń tolyq qoldaıtynyn rastaı otyryp, terrorızmge qarsy keń aýqymdy halyqaralyq koalısııa qurý arqyly osy baǵyttaǵy halyqaralyq áreketterdi úılestirýdi barynsha nyǵaıtýǵa shaqyrady. Adamgershilikten jat bul qasiretterdiń uıymdastyrýshylary men nasıhatshylary anyqtalyp, qatty jazaǵa tartylý qajet.
Qaza tapqandardyń januıalary men jaqyndaryna, Aýǵanstannyń halqy men úkimetine azaly kóńil bildire otyryp, jaraqattanǵandardyń tez arada saýyǵýyn tileımiz.