Qazaqstan Syrtqy ister mınıstri Qaırat Ábdirahmanovtyń Qyzyl Krest jáne Qyzyl Jarty aı halyqaralyq qoǵam federasııasynyń prezıdenti Franchesko Rokkamen kezdesýi ótti.
Taraptar Halyqaralyq federasııasynyń álemdegi tótenshe jaǵdaıdar men qaqtyǵystardyń saldaryn aldyn alý, sondaı-aq qalpyna keltirý jumystary boıynsha jergilikti turǵyndarǵa qoldaý kórsetýi jónindegi qyzmeti týraly talqylady.
Q. Ábdirahmanov senimdilik úshin alǵysyn aıta otyryp, Qyzyl Krest jáne Qyzyl Jarty aı halyqaralyq qoǵam federasııasynyń 10-shy Eýropalyq Konferensııasyn 2018 jylǵy 2-3 mamyrda Almatyda ótkizý jóninde ońtaıly iltıpatyn bildirdi. Sátti ótkizilgen osy is-shara aımaqtaǵy áleýmettik salasynda halyqaralyq yntymaqtastyqqa jańa ımpýls beretinin de atap ótti.
Qazaqstan Federasııamen, ekijaqty deńgeıde de, basqa halyqaralyq alańdarda da, sonyń ishinde Prezıdent N. Á. Nazarbaevtyń syrtqy saıası bastamalaryn iske asyrý sheńberinde yntymaqtastyqty nyǵaıtýǵa ázir ekenin atap ótti.
F. Rokka óz tarapynan mańyzdy Konferensııany Qazaqstanda uıymdastyrýǵa jáne ótkizýge kórsetilgen qoldaý úshin iltıpatyn bildirdi.
Budan bólek, Halyqaralyq federasııasynyń prezıdenti Sırııadaǵy daǵdarysty sheshý úshin Astanada uıymdastyrylǵan kelissózderdi joǵary baǵalady jáne jaqyn arada Sırııa Arab Respýblıkasyna jasaǵan is-sapary qorytyndylary jóninde sóz qozǵady.
Kezdesý nátıjesinde taraptar turaqty bir-birimen habarlasa otyryp, keń aýqymdy máseleler boıynsha yntymaqtastyqty nyǵaıtýǵa kelisti.