Bul bastamany qalalyq ardagerler keńesi 2012 jyldan bastap qolǵa aldy. Qazir 17 ardagerdiń sýreti ilindi.
Ornatylatyn bir bılbordtyń quny 1 aıǵa 45 myń teńge. Tapsyrys berýshiler qalalyq ishki saıasat bólimine habarlasyp, qaı jerge ornalastyratyny týraly bile alady.
О́tken aptada I, II dárejeli «Dańq» ordeniniń jáne «Erligi úshin» medaliniń ıegeri Buharıden Sermuhambetuly 109 jasynda ómirden ozdy. Kóshege ilinetin 17 bılbordtyń ishinde marqum ardagerdiń de portreti bar. Bul bılbordtardy ilýge qalalyq bıýdjetten arnaıy qarjy bólinipti.
Soǵys ardagerleri men múgedekterine 150 myń teńge kóleminde bir rettik áleýmettik kómek beriledi. Al, soǵys jyldarynda qaıtys bolǵan áskerılerdiń ata-anasyna, Lenıngrad qorshaýynda bolǵan qala turǵyndaryna, fashızmniń konslagerlerinde bolǵan kámeletke deıingi tutqyndar men getto jáne basqa májbúrli qamaýda bolǵandarǵa, tyl eńbekkerleri, qaıtys bolǵan múgedekterdiń jesirlerine 24 myń teńgeden beriledi. Oblysta bul kúnderi 100 soǵys ardageri bar bolsa, onyń 71-i oblys ortalyǵynda turady.
Farıda Byqaı, «Egemen Qazaqstan»
Pavlodar