Memleket basshysy Reseı Federasııasynyń Prezıdenti Vladımır Pýtınmen telefon arqyly sóılesti, dep habarlaıdy Aqordanyń baspasóz qyzmeti.
Eki eldiń kóshbasshylary birin-biri Uly Otan soǵysyndaǵy Jeńistiń aldaǵy merekesimen quttyqtady.
Áńgimelesý barysynda Qazaqstan men Reseı Prezıdentteri ekijaqty yntymaqtastyqtyń qazirgi jaǵdaıy men perspektıvalaryn, sondaı-aq óńirlik jáne halyqaralyq kún tártibindegi ózekti máselelerdi, sonyń ishinde Armenııadaǵy ahýaldy talqylady.
Memleketter basshylary aldaǵy kezdesýler kestesi, atap aıtqanda, bıylǵy 14 mamyrda Sochı qalasynda ótetin Joǵary Eýrazııalyq ekonomıkalyq keńestiń otyrysyna ázirlik barysy jóninde áńgimelesti.
Osy oraıda, eki eldiń kóshbasshylary Eýrazııalyq ekonomıkalyq odaqtyń 2017 jylǵy ishki jáne syrtqy saýda-sattyq kólemi tıisinshe 24,4 jáne 26,1 paıyzǵa óskenin atap ótip, halyqaralyq qoǵamdastyq tarapynan bul birlestikpen yntymaqtastyqty damytýǵa qyzyǵýshylyqtyń artyp otyrǵanyn aıtty.