Nursultan Nazarbaev О́zbekstan Respýblıkasynyń Prezıdenti Shavkat Mırzııoevpen telefon arqyly sóılesti, dep habarlaıdy Aqordanyń baspasóz qyzmeti.
Qazaqstan men О́zbekstan Prezıdentteri ekijaqty yntymaqtastyqtyń qazirgi jaǵdaıy men perspektıvalary, sondaı-aq joǵary deńgeıdegi ýaǵdalastyqtardyń iske asyrylý barysy jóninde áńgimelesti.
Osyǵan baılanysty taraptar 2017 jyly ekijaqty saýda-sattyq kóleminiń 31 paıyzǵa artyp, bıylǵy birinshi toqsanda bul kórsetkishtiń oń qarqyny saqtalyp otyrǵanyn atap ótti.
Sondaı-aq, eki el kóshbasshylary aldaǵy kezdesýler kestesin qarastyrdy.